15:01 12.03.2010 | Все новости раздела "Белорусская социал-демократическая партия (Грамада)"

ВЫНІКАМ ВЫБАРАЎ УЖО ЗАРАЗ МОЖНА НЕ ДАВЯРАЦЬ

Сябры Брэсцкай абласной арганізацыі Беларускай сацыял-дэмакратычнай партыі (Грамада) расчараваны фармаваннем участковых выбарчых камісій. З 13 накіраваных ад партыі чалавек прайшло толькі 4. Адзін - у Пружанах і тры – у Брэсце.

Асабліва незадаволены тым, што мала людзей уключылі ў камісіі Маскоўскага раёну Брэста, дзе балатуецца большасць кандыдатаў у дэпутаты ад партыі.

- У сувязі з гэтым мы маем намер сёння правесці паседжанне абласнога камітэта. Я думаю, будзе прынята рашэнне абскардзіць рашэнне адміністрацыі Маскоўскага раёна ў судзе. Гэты этап паказвае, што ёсць, напэўна, уладам што хаваць.  Гэты этап выбараў паказаў адсутнасць празрыстасці.  Што, безумоўна, зводзіць да нуля давер да падліку галасоў, - кажа старшыня абласной арганізацыі БСДП (Г) Ігар Маслоўскі.

Такую думку падтрымлівае і старшыня абласной Аб’яднанай грамадзянскай партыі Мікалай Коўш. З 7 сябраў іх партыі ва ўчастковыя камісіі  ўключылі толькі 2 чалавекі.

Ганна Васілевіч, Радыё Рацыя

Источник: Белорусская социал-демократическая партия (Грамада)

  Обсудить новость на Форуме