13:00 09.04.2011 | Все новости раздела "Белорусская социал-демократическая партия (Грамада)"
І. ВЕШТАРД І А. СІГАЕЎ CУСТРЭЛІСЯ З МІНІСТРАМ ЮСТЫЦЫІ
6 красавіка старшыня Гродзенскай абласной арганізацыі БСДП Ірына Вештард і старшыня Мінскай гарадской арганізацыі Аляксей Сігаеў мелі сустрэчу з міністрам юстыцыі Віктарам Галаванавым, пад час якой выклалі яму свае меркаванні і тлумачэнні аб сітуацыі, што склалася вакол Беларускай сацыял-дэмакратычнай партыі (Грамады).
Сустрэча праходзіла ў спакой най абстаноўцы. Абмежаванняў наконт працягласці размовы таксама не было, але І. Вештард і А. Сігаеў самі бачылі і разумелі, што са сваімі праблемамі на прыём да міністра юстыцыі прыйшлі і іншыя грамадзяне.
Перад сустрэчай у Міністэрстве Ірына Вештард правяла кансультацыі з сябрамі партыі, у тым ліку з Валянцінам Аскіркам, Вячаславам Болбатам, Мечыславам Грыбам, Ганнай Канюс, Валянцінам Лазарэнкавым, Ігарам Маслоўскім, Анатолем Сідарэвічам і Анатолем Юрэвічам аб тым, якія пытанні на сустрэчы з міністрам трэба абавязкова паставіць і якую інфармацыю данесці. У большай ці ў меншай ступені ўсе прапановы і парады таварышаў па партыі былі ўлічаныя.
Галоўная навіна: падчас размовы міністр В. Галаванаў сказаў, што ў Міністэрстве няма такога жадання, каб зачыніць БСДП.
Што цяпер трэба рабіць сябрам партыі? Працаваць над тым, каб належным чынам падрыхтаваць і правесці ХІІІ партыйны з’езд. Калі? Паводле разумення бакоў – 15 мая 2011 года.
Некаторыя пытанні застаюцца, і ў сувязі з гэтым В. Галаванаў прасіў адпаведнае ўпраўленне Міністэрства юстыцыі падрыхтаваць дакумент, з дапамогай якога пытанні БСДП сталі б вырашальнымі. Ірына Вештард і Аляксей Сігаеў па просьбе міністра юстыцыі пакінулі нумары сваіх тэлефонаў.
Гл. таксама:
Обсудить новость на Форуме