11:15 20.01.2011 | Все новости раздела "Белорусская социал-демократическая партия (Грамада)"

ВІЗІТ САЛІДАРНАСЦІ. Генеральны сакратар Сацыялістычнага Інтэрнацыяналу ў Мінску (ФОТА)

Позна ўвечары 18 студзеня у Беларусь прыбыў генеральны сакратар Сацыялістычнага Інтэрнацыяналу Луіс Аяла (Luis Ayala).

Генеральны сакратар СІ прыехаў у нашу краіну роўна праз месяц пасля драматычных падзеяў Плошчы. Ён вырашыў асабіста пазнаёміцца з палітычнай сітуацыяй у Беларусі.

Паездка не планавалася загадзя. Таму у генеральнага сакратара ўзніклі праблемы з памежным кантролем у нацыянальным аэрапорце “Мінск-2”. Толькі глыбокай ноччу 19 студзеня гэтыя праблемы былі развязаныя.

Апоўдні 19 студзеня генеральны сакратар Сацыялістычнага Інтэрнацыяналу сустрэўся з прадстаўнікамі Беларускай сацыял-дэмакратычнай партыі (Грамады) і арганізацыйнага камітэта Народнай Грамады. Ад БСДП у сустрэчы бралі ўдзел Мечаслаў Грыб, Ігар Маслоўскі, Юлія Міцкевіч, Мікалай Мяцельскі, Аляксей Сігаеў, Анатоль Сідарэвіч і Аляксандра-Вольга Тыгрыцкая, ад арганізацыйнага камітэта Народнай Грамады – Сяргей Кулініч, Алесь Станкевіч і Арцём Шаркоў.

Размова была прысвечана галоўным чынам тром пытанням: 1) што адбылося? 2) якія перспектывы развіцця сітуацыі ў Беларусі і вакол яе? 3) якія павінны быць цяпер прыярытэты ў дзейнасці дэмакратычных сацыялістаў?

Ва ўступе да размовы і ў заключным слове Луіс Аяла адзначыў, што пасля падзей 19 снежня Беларусь стала прыярытэтным напрамкам дзейнасці дэмакратычных сацыялістаў усяго свету, Сацыялістычнага Інтэрнацыяналу.

Пасля абмену думкамі з сацыял-дэмакратамі генеральным сакратар СІ сустрэўся з прадстаўнікамі дэмакратычных кандыдатаў на пасаду Прэзідэнта. Сярод іншых у сустрэчы бралі ўдзел жонка Уладзіміра Някляева, Вольга, і ганаровы старшыня Аб’яднанай грамадзянскай партыі Станіслаў Багданкевіч.

19 студзеня адбылася таксама сустрэча Луіса Аялы з беларускімі праваабаронцамі.

20 студзеня апоўдні генеральны сакратар Сацыялістычнага Інтэрнацыяналу пакіне нашу краіну.
На здымку: Луіс Аяла з беларускімі сацыял-дэмаратамі.
Здымак Алеся Станкевіча.

 

Источник: Белорусская социал-демократическая партия (Грамада)

  Обсудить новость на Форуме

Белоруссия

Белорусская социал-демократическая партия (Грамада) Объединенная Гражданская Партия Россия Украина Белоруссия Молдавия Казахстан Киргизия Узбекистан