09:00 22.03.2012 | Все новости раздела "Белорусская социал-демократическая партия (Грамада)"

У Верхнядзвінску прайшла імпрэза “Ён сэрца нам сваё пакінуў”, прысвечаная 100-годдзю з дня нараджэння Тараса Хадкевіча

Расказвае Валянціна Болбат, удзельніца сустрэчы:

Свае ён творы нам пакінуў
І радасць першае вясны.
Ён так любіў сваё Наддзвінне,
Што сам стаў песняю Дзвіны

“Песня Дзвіны”, менавіта так называўся і адзін з  апошніх твораў нашага земляка Тараса Хадкевіча, святкаванне 100-годдзя з дня нараджэння якога адзначалася якраз ў святочныя сакавіцкія дні. Да землякоў Тараса Хадкевіча, якога вельмі любілі і паважалі ў Шайцераве, малой радзіме пісьменніка, прыехалі самыя блізкія яму людзі - сын Леанід, дачка Вета, унукі, супрацоўніца Нацыянальнай бібліятэкі І.Думанская...

Сустракалі гасцей прадстаўнікі органаў улады Верхнядзвінскага раёна, кіраўніцтва аграгарадка , настаўнікі мясцовай школы і мясцовыя жыхары, сябры “Клуба цікавых сустрэч”.

Госці пабывалі ў Шайцераўскай сярэдняй школе, дзе створаны куток, прысвечаны памяці Тараса Хадкевіча, а потым—сустрэча ў мясцовым Доме культуры, дзе гучалі ўспаміны і ўрыўкі з яго твораў у выкананні мясцовых школьнікаў, вітальныя песні.

Дзеці Тараса Хадкевіча, сын Леанід і дачка Вета, у чарговы раз прыехалі не з пустымі рукамі. Яны прывезлі матэрыялы для будучага музея свайго бацькі, які запланавана адкрыць у той хаце, дзе некалі жыла сям’я Хадкевічаў. Гэта сабістыя рэчы, рукапіс аповесці “Вяснянка”, якая напісана ў Шайцерава ў 1947 годзе, кнігі з асабістыімі подпісамі пісьменнікаў, з якімі сябраваў Т.Хадкевіч. А потым прайшла сустрэча і з сябрамі “Клуба цікавых сустрэч”, на якой , за кубкам кавы-гарбаты, ішла шчырая гаворка-успамін аб таленавітым пісьменніку і выключна шчырым і адданым сваёй радзіме чалавеку—Тарасу Хадкевічу.

Ад імя  грамадскіх актывістаў раёна былі ўручаны падарункі, а тое, што сустрэча праходзіла ў святочныя сакавіцкія дні , з гэтай нагоды  гучалі  песні-віншаванні, вершы ў выканані мужчын, сябраў клуба.

Гасціннымі гаспадарамі пасяджэння клуба сталі сям’я Васіля і Людмілы Рудой.

Hadkevich yubilej 

Источник: Белорусская социал-демократическая партия (Грамада)

  Обсудить новость на Форуме