22:45 17.08.2011 | Все новости раздела "Белорусская социал-демократическая партия (Грамада)"
У ВЕРХНЯДЗВІНСКУ САЦЫЯЛ-ДЭМАКРАТЫ ЗЛАДЗІЛІ “БЕНЕФІС ТАМАРЫ” (ФОТА)
--Партрэт сваёй малодшай сястры я знайшла ў Нямеччыне,--з сумам сказала Тамара Фёдараўна Кецкіна.
Для ўдзельнікаў імпрэзы “Бенефіс Тамары”, што зладзілі мясцовыя сацыял-дэмакраты і грамадскія актывісты, гэта стала поўнай нечаканасцю…
--Так здарылася, што дарогі жыцця для нашай сям’і былі вельмі цяжкімі…І развялі яны нас на доўгія гады…Сіроцтва, дзіцячы дом,голад — вось мае ўспаміны пра дзяцінства,--расказвае Тамара Федараўна, педагог ад Бога.
–Калі я прыехала да сваёй сястры ў Германію, якая воляй лёсу была закінута ў гэту краіну, і падчас вандроўкі па гораду, у краме ўбачыла партрэт маленькай дзяўчынкі са слязьмі на вачах..І перад вачыма паўстала карціна далёкага дзяцінства: гэта ж мая сястрычка! Дзяўчынка на партрэце так была падобна на маю малодшую сястру.Зараз гэта партрэт у маёй спальні.
Практычна ўсе сваё жыццё Тамара Кецкіна аддала дзецям. І звязана яно з Верхнядзвіншчынай, са школай для глухіх дзяцей, вядомасць пра якую ў былыя савецкія часы сягала далёка за межы краіны.Гэткай жа, як і раней, была і застаецца сёняшняя вядомасць і аўтарытэт Тамары Фёдараўны як унікальнага настаўніка-лагапеда. Роўных Тамары Кецкінай яшчэ трэба пашукаць.
Расказвае Валянціна Болбат, кіраўніца Верхнядзвінскіх сацыял-дэмакратаў:
---Ідэя правядзення вось такіх бенефісаў нарадзілася даўно і, у сілу магчымасцяў, мы ладзім такія імпрэзы, запрашаючы на іх людзей неардынарных, цікавых. А такіх побач---шмат.Трэба толькі іх ўбачыць…
Тамара Кецкіна—мая давераная асоба на мінулых выбарах у мясцовыя Саветы, падчас якіх яна абыйшла амаль кожную кватэру і дом. Выйшаўшы на пенсію, захапілася мастацкім вышываннем, маляваннем…І усе, што яна робіць, ці то працуючы з дзецьмі ў школе, ці аддаючыся свайму захапленню --гэта высокі прафесіяналізм.
Обсудить новость на Форуме