10:46 14.10.2011 | Все новости раздела "Белорусская социал-демократическая партия (Грамада)"

У ВЕРХНЯДЗВІНСКУ ПРАЙШЛА ІМПРЭЗА, ПРЫСВЕЧАНАЯ ДНЮ МАЦІ (ФОТА)

Каля трох дзесяткаў удзельнікаў імпрэзы , а гэта вядомыя ў горадзе жанчыны, - Валянціна Аляксандраўна Радзіёнава, маці трох сыноў, настаўніца малявання СШ№1, якая дала пуцёўку ў вялікае мастацтва не аднаму выпускніку школы, урач – жыццялюб Людміла Самадумская, вышываныя карціны якой прыводзяць у захапленне, Валянціна Мінаеўна Мядзюта –гаспадыня ад Бога, Гагалінская Людміла Васільеўна—краязнавец, гаспадыня прыватнага музея самавараў..Пра кожную з жанчын, што прысутнічалі на сустрэчы, можна расказваць бясконца... І, канешне, гераіняй імпрэзы была Яўгенія Міхайлаўна Багушэвіч і яе сын Вячаслаў, загадчык аддзела фізічнай культуры і спорту райвыканкама.

Расказвае Валянціна Болбат:

---Ладзілася гэта імпрэза, канешне, з нагоды Дня Маці. А гераіняй сустрэчы невыпадкова стала Яўгенія Міхайлаўна Багушэвіч, якая вырасціла двух добрых сыноў, для якіх заўсёды і ва ўсім была прыкладам, як і для шматлікіх вучняў тых школ , дзе ей давялося працаваць настаўніцай. Сціплая, стрыманая, інтэлігентная, такімі выхавала яна і сваіх дзяцей. А Вячаслаў, як яна кажа, стаў сямейнай “зоркай”.

---Але не толькі сямейнай,-- дадае дырэктар цэнралізаванай бібліятэчнай сістэмы раена Ала Канстанцінаўна Гендзік. --Зоркай рэспубліканскага масштабу, бо Вячаславу пашчасціла быць удзельнікам, спачатку абласной, а потым і рэспубліканскай каманд ў праекце АНТ “Бітва цітанаў”. І усе жыхары раёна з захапленнем назіравалі за тым, як разгортваліся падзеі ў далёкім французскім горадзе і, канешне, “балелі за нашых”.

Расказвае Вячаслаў Багушэвіч:

--Увогуле, усё атрымалася выпадкова, хаця спачатку я рыхтаваў дакументы для кастынгу і ўдзелу ў праекце.Але абставіны склаліся так, што я змог толькі пакінуць неабходныя паперы камісіі і, на мой погляд, шанцаў у мяне не было, бо на кастынг прыйшло больш за сотню чалавек, а адабраць патрэбна было 13. Пакінуў дакументы і паехаў з Віцебску дахаты. А калі патэлефанавалі і паведамілі, што я прыняты ў каманду, я спачатку нават не паверыў. Цяжка, канешне, было, але і уражанняў—на усё жыццё.

Кожная маці шчаслівая тады, калі шчаслівыя яе дзеці. Са святам дарагія, матулі!

Dzen maci