13:15 15.03.2012 | Все новости раздела "Белорусская социал-демократическая партия (Грамада)"

У Полацку прайшоў семінар па партыйным будаўніцтве

Днямі ў Полацку прайшоў семінар па партыйным будаўніцтве. Арганізатарам мерапрыемства выступіла Віцебская абласная арганізацыя БСДП.

На семінары сябры партыі разглядзелі мэты і задачы БСДП, яе структуру і выбарныя органы, абмеркавалі правы і абавязкі сяброў партыі.

Напрыканцы вучобы былі падведзены вынікі – усе ўдзельнікі адзначылі, што заняткі па партыйнаму будаўніцтву вельмі карысныя для развіцця і дзейнасці партыі.

Сябра віцебскага абкаму партыі Антон Ясіновіч адзначае, што кіраўніцтву партыі трэба і надалей планаваць правядзенне такіх мерапрыемстваў у іншых рэгіёнах краіны.

“Для мяне вельмі прыемна, што пайшоў працэс адраджэння партыі і ёсць жаданне ў партыйцаў удасканальваць свае веды. Сябры партыі сустракаюцца, адбываецца абмен думкамі, пажаданнямі і ўласнымі напрацоўкамі. Будзем рады падзяліцца методыкай правядзення такіх мерапрыемстваў і дапаможнымі матэрыяламі для правядзення такіх семінараў у іншых рэгіёнах краіны”, - адзначыў Антон Ясіновіч.
   Прэс-служба Віцебскай абласной арганізацыі БСДП

Источник: Белорусская социал-демократическая партия (Грамада)

  Обсудить новость на Форуме