10:45 01.05.2010 | Все новости раздела "Белорусская социал-демократическая партия (Грамада)"
У ПРЭЗІДЫУМЕ БСДП
29 красавіка адбылося пасяджэнне Прэзідыума Беларускай сацыял-дэмакратычнай партыі (Грамады).
Прэзідыум абмеркаваў пытанне аб выніках выбараў у мясцовыя саветы.
Прэзідыум БСДП выказаў удзячнасць усім сябрам партыі за ўдзел у палітычнай кампаніі “Выбары дэпутатаў у мясцовыя саветы” 25 красавіка 2010 г.
Сябры Прэзідыума павіншавалі Віктара Міхасёва з абраннем чацвёрты раз запар дэпутатам Бараньскага гарадскога Савета дэпутатаў.
Прэзідыум БСДП лічыць выбарчую кампанію і самі выбары несвабоднымі, недэмакратычнымі і непразрыстымі.
Як вядома, намеснік старшыні БСДП Валеры Фралоў заявіў аб выхадзе з Палітычнай Рады Аб’яднаных дэмакратычных сілаў.
Прэзідыум БСДП дэлегаваў у склад Палітрады АДС сябра Цэнтральнага Камітэта партыі, дэпутата Бараньскага гарадскога Савета дэпутатаў Віктара Міхасёва.
3 жніўня г. г. заканчваецца тэрмін паўнамоцтваў Цэнтральнага Камітэта, выбранага ў 2008 годзе.
Вырашана, што дату правядзення ХІІІ з’езду БСДП вызначыць Цэнтральны Камітэт БСДП, пасяджэнне якога адбудзецца 27 чэрвеня.
Обсудить новость на Форуме