15:30 20.01.2014 | Все новости раздела "Белорусская социал-демократическая партия (Грамада)"
У Мінску адбылася жаночая канферэнцыя
18 студзеня адбылася Жаночая канферэнцыя Мінскай гарадской арганізацыі Беларускай сацыял-дэмакратычнай партыі (Грамады).
У ёй прынялі ўдзел 10 сацыял-дэмакратак Мінска, а таксама старшыня Мінскай гарадской арганізацыі БСДП Анатоль Сідарэвіч і намеснік старшыні Аляксей Сігаеў.
Сябар Мінскага гарадскога камітэта партыі Жанна Семянтовіч прэзентавала ўдзельніцам канферэнцыі працу ініцыятывы “Жанчыны БСДП”. Было абмеркавана пытанне аб стварэнні ў партыі рабочай групы “Жанчыны БСДП”. Удзельніцы канферэнцыі пазнаёміліся з праектам палажэння аб групе і рэгламенту рабочай групы “Жанчыны БСДП”.
Мінскіх сацыял-дэмакратак натхняе магчымасць працаваць у адзінай камандзе. Яны выказалі пажаданне, каб былі праведзены трэнінгі па камп’ютарных тэхналогіях і наладжаны моўныя курсы. Таксама была выказана неабходнасць працаваць з насельніцтвам дзеля вырашэння мясцовых сацыяльна-эканамічных праблемаў. У прыватнасці, для Мінска вельмі актуальнаю стала праблема так званага ўшчыльнення забудоў.
На канферэнцыі была створана каардынацыйная рада Мінскай гарадской рабочай групы “Жанчыны БСДП”. Каардынатаркай групы стала Жанна Семянтовіч. У склад рады ўвайшлі Вікторыя Пашкоўская і Аляксандра-Вольга Тыгрыцкая.
Быў разгледжаны план працы гарадской рабочай групы “Жанчыны БСДП” на 2014 год. Бліжэйшая новая сустрэча мінскіх сацыял-дэмакратак будзе прымеркавана да Міжнароднага дня жанчын 8 Сакавіка.
Обсудить новость на Форуме