09:00 13.03.2012 | Все новости раздела "Белорусская социал-демократическая партия (Грамада)"

У Мінску адбудзецца вечарына памяці Міхася Ткачова

Таварыства беларускай мовы і грамадска-культурная кампанія “Будзьма” запрашае на вечарыну памяці беларускага гісторыка, палітычнага дзеяча Міхася Ткачова. Мерапрыемства пройдзе ў панядзелак на сядзібе ТБМ (г.Мінск, Румянцава/13) а 17.30 гадзіне.

Удзельнік устаноўчага сходу Беларускай сацыял-дэмакратычнай Грамады Віктар Ярашук, узгадвае, што Міхась Ткачоў вельмі паважна адносіўся да людзей:

- Разумееш, што гэты чалавек, тое, што гаворыць, ён пра гэта думае. Было вельмі прыемна з ім. Заўсёды падыходзіў, пытаўся, як там, Віктар, справы ў Пінску, як людзі жывуць, што, як? Гэта чалавек, якому было цікава ўсё. Калі адыйшоў Міхась Аляксандравіч, то, безумоўна, гэта было нечакана для ўсіх.

Міхась Ткачоў адзін з арганізатараў і першы кіраўнік Беларускай сацыял-дэмакратычнай грамады. Прафесар, аўтар болей за 200 навуковых прац, выкладаў ў Гродзенскім універсітэце. Так сталася, што сёлета споўніліся ягоныя 70-я ўгодкі і 20-я гадавіна, як Міхася Ткачова не стала.

Зміцер Кісель, Радыё Рацыя  

Источник: Белорусская социал-демократическая партия (Грамада)

  Обсудить новость на Форуме