17:02 15.04.2013 | Все новости раздела "Белорусская социал-демократическая партия (Грамада)"
У Мінгарвыканкам пададзена Заяўка на правядзенне «Чарнобыльскага шляху»
Заяву ў гарвыканкам падпісалі прадстаўнікі Аб`яднанай грамадзянскай партыі ДзмітрыйКавалгін, грамадскага аб`яднання «Экадом» Таццяна Новікава, Партыі БНФ Рыгор Кастусёў, Беларускай сацыял-дэмакратычнай партыі (Грамады) Анатоль Сідарэвіч, аргкамітэта па стварэнні партыі «Беларуская хрысціянская дэмакратыя» Дзяніс Садоўскі.
Як паведаміў Садоўскі, арганізатары просяць гарадскія ўлады дазволіць збор удзельнікаў акцыі 26 красавіка ў 18.00 на пляцоўцы каля кінатэатра «Кастрычнік», затым шэсце па вуліцы Сурганава да парку Дружбы Народаў, дзе плануецца правесці мітынг. Акцыя павінна завяршыцца ўскладаннем кветак да памятнага знака ахвярам Чарнобыля. У заяўцы ўтрымліваецца просьба вызваліць для ўдзельнікаў шэсця адну паласу праезнай часткі і забяспечыць магчымасць выкарыстання гукаўзмацняльнай апаратуры на мітынгу ў парку.
Згодна з заканадаўствам адказ на заяўку гарвыканкам павінен даць не менш як за пяць дзён да даты правядзення акцыі.
«Чарнобыльскі шлях» — вулічная акцыя, якую праводзіць беларуская апазіцыя штогод з 1988 года ў Мінску ў фармаце шэсця, якое завяршаецца мітынгам прадстаўнікоў дэмакратычных сіл. Выключэнне склаў 2011 год, калі сталічныя ўлады ўпершыню забаранілі акцыю ў традыцыйнай форме.
Обсудить новость на Форуме