22:00 31.08.2009 | Все новости раздела "Белорусская социал-демократическая партия (Грамада)"

У Гдыні - вуліца Брыля

Пастановай ад  26 жніўня 2009 года гарадской управы гораду Гдыня адной з вуліцаў нададзена імя беларускага пісьменніка і удзельніка вераснёўскай кампаніі 1939 году ў Польшчы супраць фашысцкіх захопнікаў Янкі Брыля.

Пра гэта паведаміў супрацоўнік гарадской управы гораду Казімеж Івашко.

Адна з 12-ці новых паўсталых вуліц на новым раёне гораду, самая доўгая, якая займае большую частку гэтага раёну,  будзе насіць імя Янкі Брыля. Брыль заслужыў назву з-за абароны гораду, і з-за сваёй літаратурнай дзейнасці. Яго кнігі займаюць пачэснае месца на паліцах гдыньскіх бібліятэкаў.

З ініцыятывай прысваенння імя Янкі Брыля адной з вуліцаў ў Гдыні 4 гады таму выступіла культурна асьветніцкае таварыства «Хатка» з Гданска.

Як адзначае Казімеж Івашко, ініцыятыва ўсё ж дачакала рэалізацыі якраз ў 70 – ю гадавіну з дня выбуху другой сусьветнай вайны, і зараз імя Янкі Брыля будзе вядомае жыхарам Гдыні не толькі як пісьменніка,  але і абаронцы іх гораду.

Валя Лаеўская, Радыё Рацыя 31-08, 15:42

Источник: Белорусская социал-демократическая партия (Грамада)

  Обсудить новость на Форуме