10:45 27.05.2021 | Все новости раздела "Белорусская социал-демократическая партия (Грамада)"
У Цэнтральным камітэце БСДП
26 мая 2021 г. у рэжыме анлайн адбылося трэцяе пасяджэнне Цэнтральнага камітэта Беларускай сацыял-дэмакратычнай партыі (Грамада) у бягучым годзе. У пасяджэнні прынялі ўдзел 26 з 41 сябраў ЦК.
Сябры ЦК павіншавалі з 75-годдзем ветэрана партыі і сябра ЦК Мікалая Лавіцкага.
У працоўным парадку былі разгледжаны пытанні аб зменах у Статут БСДП, якія прапісваюць дакладны механізм стварэння і ліквідацыі арганізацый партыі. Нагадаем, што пасля спробы рэгістрацыі трох раённых арганізацый у г. Гомелі абласное ўпраўленне юстыцыі выявіла хібы ў Статуце і пасля кансультацый з Міністэрствам юстыцыі была дасягнута паразуменне аб неабходнасці прывядзення Статута БСДП у адпаведнасць з законам “Аб палітычных партыях”.
Прынята рашэнне аб стварэнні Савецкай, Цэнтральнай і Чыгуначнай раённых арганізацый г. Гомеля без права надзялення іх юрыдычнымі асобамі. Прэзідыуму БСДП даручана ў месячны перыяд арганізаваць правядзенне сходаў і падрыхтаваць пакет дакументаў на рэгістрацыю новых арганізацый.
Зацверджаны стратэгічны план працы БСДП на 2021-2025 гг., які рэкамендаваны для выкарыстання ў працы сябрам ЦК, ЦРК, Прэзідыума, а таксама абласным, гарадскім, раённым арганізацыям і суполкам партыі.
Прынята за аснову канцэпцыя пенсійнай рэформы. ЦК БСДП даручыў Прэзідыуму да чэрвеньскага пасяджэння завершыць распрацоўку канцэпцыі пасля кансультацый з незалежнымі прафсаюзамі, а таксама правядзення гендарнай і эйджынгавай экспертызы. Усе прапановы па канцэпцыі можна накіроўваць непасрэдна аўтару канцэпцыі і старшыні экспертна-аналітычнай групы пры ЦК БСДП Міхаілу Пастухову.
Зацверджаны зварот ЦК БСДП да Міністэрства юстыцыі з просьбай замяніць пасведчанне аб рэгістрацыі партыі і выдаць яго за датай заснавання партыі 1991 годам (цяперашняе пасведчанне выдадзена за годам перарэгістрацыі БСДП у 2008 г.).
Прэс-служба БСДП
Источник: Белорусская социал-демократическая партия (Грамада)
Обсудить новость на Форуме
9 мая 2024
« | Май 2024 |
Пн | Вт | Ср | Чт | Пт | Сб | Вс |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |