20:45 14.05.2012 | Все новости раздела "Белорусская социал-демократическая партия (Грамада)"
У Брэсце з'явілася дрэва з “Краіны Дурняў”
У Брэсце, у цэнтры горада на вуліцы Савецкай, пасадзілі дрэва з “Краіны Дурняў”. Замест лісця на дрэве вісяць купюры наміналам ад 20 да 100 беларускіх рублёў і жартоўныя латэрэі.
Адзін з каардынатараў моладзевага крыла кампаніі “Гавары Праўду” на Брэстчыне Аляксей Коўтун падкрэсліў, што дрэва падобнае да стану беларускай эканомікі:
- Наша эканоміка знаходзіцца, згодна з афіцыйнымі заявамі ўлады, на пад’ёме альбо ў стане стабілізацыі. Дадзенае дрэва паказвае рэальна існуючае становішча рэчаў. Пладамі гэтага дрэва з'яўляюцца фактычна фанцікі, альбо грашовыя знакі Рэспублікі Беларусь. На жаль, на іх ужо нічога не купіш.
“Некаторыя з мінакоў проста ўсміхаліся, а некаторыя нават і фатаграфаваліся на памяць побач з дрэвам,” - дадаў Аляксей Коўтун.
Аліса Поль, Радыё Рацыя, Брэст
Обсудить новость на Форуме