21:30 29.03.2012 | Все новости раздела "Белорусская социал-демократическая партия (Грамада)"

У Брэсце далучыліся да працы па ўшанаванні імя Васіля Быкава

Жыхары Брэста – за Васіля Быкава. Актывісты кампаніі "Гавары Праўду" ў абласным цэнтры далучаюцца да рэспубліканскай кампаніі па збору подпісаў за наданне адной са станцый новай лініі мінскага метро імя Васіля Быкава.

З гэтай нагоды яны заклікаюць, з дапамогаю інфармацыйнай кампаніі, жыхароў і гасцей горада над Бугам пакідаць свае подпісы пад гэтай ініцыятывай на офісе кампаніі або ў сетцы Інтэрнэту.

Актывіст кампаніі "Гавары Праўду" Ігар Маслоўскі лічыць, што імя такога пісьменніка і грамадскага дзеяча павінна быць ушанавана:

- Васіль Быкоў – пісьменнік з сусветным імем. Яго творы перакладзены на дзясяткі моваў свету. Тамы мы ў Брэсце падтрымліваем рэспубліканскую акцыю, каб у Мінску з’явілася вуліца імя Васіля Быкава. І зараз мы ў Брэсце праводзім інфармацыйную кампанію - збіраем подпісы за тое, каб надаць адной са станцый мінскага метро імя Васіля Быкава. Нам трэба ўшаноўваць гэтага вельмі годнага чалавека не толькі ў Мінску, але і ў іншых беларускіх гарадах павінны быць вуліцы і скверы з яго імем.

Увесну 2010 года актывісты з Брэста, сумесна з іншымі абласнымі цэнтрамі Беларусі, сабралі больш за 100 тысяч подпісаў за перайменаванне ў горадзе Мінску вуліцы Ульянаўскай у уліцу імя Васіля Быкава. Аднак мінскія ўлады не падтрымалі гэтую ініцыятыву.

Аліса Поль, Радыё Рацыя, Брэст  

Источник: Белорусская социал-демократическая партия (Грамада)

  Обсудить новость на Форуме