11:30 09.12.2014 | Все новости раздела "Белорусская социал-демократическая партия (Грамада)"

У Берасці патрабуюць празрыстасці ў фармаванні гарадскога бюджэта

За якасную і даступную адукацыю пачалі змагацца актывісты ў Берасці. Сябры абласной арганізацыі Беларускай Сацыял-Дэмакратычнай партыі (Грамады) дамагаюцца публічнасці ў фінансаванні будаўніцтва адукацыйных установаў горада. Таксама ад мясцовых уладаў яны патрабуюць назваць канкрэтныя тэрміны ўводу ў эксплуатацыю новых школ і дзіцячых садкоў.

Кажа старшыня абласной партарганізацыі Ігар Маслоўскі:

- Вывучаючы праблему, больш за два гады назад мы сутыкнуліся з тым, што ў Берасці, у выніку пашырэння новых мікрараёнаў, аказалася так, што катастрафічна не хапае дзіцячых садкоў і нават школ у пэўных частках горада. Там мы і выказваемся за замацаванне канкрэтных прапаноў у бюджэце горада на будаўніцтва ўстаноў адукацыі.

Для кантролю грамадскасці просім публічна агучыць сумы, запланаваныя на будаўніцтва ўстаноў адукацыі ў 2015 годзе і тэрміны ўвядзення іх у эксплуатацыю на працягу бліжэйшых двух-трох гадоў, – з такім заклікам звярнуўся да ўладаў берасцейскі палітык Ігар Маслоўскі.

Беларускае Радыё Рацыя

Источник: Белорусская социал-демократическая партия (Грамада)

  Обсудить новость на Форуме