12:16 27.01.2014 | Все новости раздела "Белорусская социал-демократическая партия (Грамада)"

У Берасці адбыўся першы пікет у рамках мясцовай кампаніі (фота)

У мікрараёне Паўднёвым збіралі подпісы за вылучэнне кандыдатам у дэпутаты гарсавету старшыні берасцейскай абласной арганізацыі Беларускай сацыял-дэмакратычнай партыі (Грамады), актывіста кампаніі “Гавары Праўду!” Ігара Маслоўскага. У час пікету было сабрана каля трох дзясяткаў подпісаў.

Палітык лічыць, што грамадства гатовае да таго, каб падтрымліваць лідараў дэмакратычных пераменаў у краіне:

- Напэўна, гэта за апошнія гады найбольш эфектыўны пікет, калі параўнаць мясцовыя выбары, нават парламенцкія. Бо нават у мароз і вецер мы літаральна за 40 хвілін сабралі больш за 30 подпісаў за кандыдата Маслоўскага – за мяне.

“Людзі ведаюць нашыя справы і нашы кампаніі, якія мы ладзілі цягам мінулага года, таму і ставяць ахвотна подпісы ў маю падтрымку”, - дадаў Ігар Маслоўскі.