16:30 27.12.2011 | Все новости раздела "Белорусская социал-демократическая партия (Грамада)"

У БРЭСЦЕ ЗМАГАЮЦЦА “ЗА ГОДНУЮ ПРАЦУ!”

Папярэдняе судовае паседжанне адносна забароны гэтага пікетавання прайшло ў судзе Ленінскага раёна горада Брэста. Падставаю дзеля адмовы гарадскімі ўладамі ў правядзенні пікетавання стала адсутнасць дамоваў і іх аплаты для правядзення мерапрыемтсваў, у тым ліку з хуткаю дапамогаю, ЖКГ і міліцыяй.

Кіраўнік брэсцкай рэгіянальнай арганізацыі Свабодных Прафсаюзаў Беларусі Валянцін Лазарэнкаў не згодны з такім рашэннем Брэсцкага гарадскога выканаўчага камітэта:

- Сёння немагчыма рэалізаваць сваё права на пікетаванне. Асабліва пры тых умовах, якія гэта пастанова стварае. Гэта шэраг нейкіх дакументаў і нейкіх дамоваў. Яны нават не ведаюць з якімі структурамі мы павінны іх заключаць.

Як адзначыў Валянцін Лазарэнкаў, падчас прэзідэнцкай кампаніі 2010 года дамовы такога кшталту не заключаліся і прэцэндэнтаў адносна парушэння экалагічных нормаў ці нормаў грамадскага парадку падчас правядзення мерапрыемстваў не было.

Асноўнае судовае паседжанне прызначана на 4-га студзеня наступнага года.

Аліса Поль, Радыё Рацыя, Брэст  

Источник: Белорусская социал-демократическая партия (Грамада)

  Обсудить новость на Форуме