20:55 10.05.2010 | Все новости раздела "Белорусская социал-демократическая партия (Грамада)"

ТРЭБА АБАРАНЯЦЬ ПРАВЫ ПРЫХІЛЬНІКАЎ

Актывісты Беларускай сацыял-дэмакратычнай партыі (Грамады) Брэста зробяць усе намаганні, каб замацавацца на пазіцыі пасярэднікаў у дыялогу насельніцтва з чыноўнікамі. Сябры партыі адчуваюць у гэтым неабходнасць, што выклікана просьбамі жыхароў горада.

Такая пазіцыя спрыяе і выкананню пастаўленых планаў гарадской арганізацыі адносна Брэста. Старшыня "грамадоўцаў" горада Ганна Канюс зазначае, што без рэальнай падтрымкі насельніцтва казаць аб сваіх планах было б не магчыма:

- Працяг працы ў сферы абароны карыстачоў камунальных паслугаў. Мусіць быць цесная сувязь з нашымі гараджанамі. Мы будзем спрабаваць супрацоўнічаць з дэпутацкім корпусам, які проста выкарыстоўвае нашыя праграмы. Калі яны паабяцалі гэта народу, то няхай выконваюць.

Такі дыялог ужо мае практыку. У асноўным сябры партыі дапамагаюць вырашаць штодзённыя праблемы, пытанні якія робяць перашкоды для нармалёвага жыцця.
Радыё Рацыя  

(Захоўваецца арфаграфія арыгінала)

Источник: Белорусская социал-демократическая партия (Грамада)

  Обсудить новость на Форуме