12:47 16.07.2010 | Все новости раздела "Белорусская социал-демократическая партия (Грамада)"
Святкаванне Грунвальда ў Брэсце
Сябры брэсцкага абласнога аддзялення сацыял-дэмакратычнай партыі (Грамада) і абласнога Свабоднага прафсаюза Беларускага правядуць у Брэсце круглыя сталы, прысвечаныя 600-годдзю Грунвальдскай бітвы.
Па словах старшыні абласнога Свабоднага прафсаюза Беларускага Валянціна Лазарэнкава, падчас круглых сталоў будуць услаўлены выбітныя асобы Вялікага княства Літоўскага, якія прынялі актыўны ўдзел у абароне незалежнасці нашай гістарычнай краіны. Таксама прынятае рашэнне зрабіць зварот у гарадскія і абласныя органы ўлады:
- Гэта тычыцца назвы вуліц. Мы вельмі задаволены, што такія вуліцы з’явіліся ў Навагрудку. Але. на жаль, у Брэсце гэтае пытанне не вырашана. У нас будуюцца цэлыя мікрараёны, і ўсё ж такі мы вельмі спадзяемся на тое, што будуць пачутыя і нашы просьбы, і гэтая дата не абміне Брэст.
Валянцін Лазарэнкаў шкадуе, што 600 год вялікай перамогі нашых продкаў над крыжакамі на афіцыйным узроўні ў Беларусі не стала такім значным святам, якім магло б стаць. Напрыклад, у Брэсце праграмы святкавання ўлады не рыхтавалі, а ад прапанаванай палітычнымі партыямі і няўрадавымі арганізацыямі яшчэ ў мінулым годзе праграмы - адмовіліся.
Ганна Васілевіч,
Обсудить новость на Форуме