10:30 25.05.2015 | Все новости раздела "Белорусская социал-демократическая партия (Грамада)"

Старшынём «Справядлівага сьвету» зноў стаў Сяргей Калякін (дап)

На пасаду старшыні Беларускай партыі левых «Справядлівы сьвет» дэлегаты вылучылі — трох кандыдатаў — Сяргей Калякіна, Аляксея Елісеева і Валера Ўхналёва. Спачатку галасавалі за Калякіна. Устрымалася 5 чалавек, супраць не было. Да галасаваньня кандыдатур Елісеева і Ўхналёва справа не дайшла.

Намесьнікамі старшыні партыі абраныя: Валер Ухналёў (адзін дэлегат устрымаўся, супраць няма); Анатоль Лашкевіч (адзін чалавек устрымаўся); Аляксей Елісееў (аднагалосна); Канстанцін Мішчанка (адзін устрымаўся). Усе яны і былі раней намесьнікамі старшыні партыі. З былых намесьнікаў старшыні не абіралі Алену Скрыган.

Сяргей Калякін бязьзьменна ачольвае партыю з 1994 года.

Раней на зьезьдзе на закрытым паседжаньні завяршыўся разгляд пытаньня аб вылучэньні партыяй свайго кандыдата ў прэзыдэнты. За тое, каб кандыдатам ў прэзыдэнты стаў лідэр партыі Сяргей Калякін, прагаласавала 105 дэлегатаў зьезда, супраць вылучэньня — 39, устрымалася 16 дэлегатаў. Галасаваньне праходзіла пайменна.

* * *
 Сяргей Калякін: На Плошчу клікаць народ ня буду. Я за мірны шлях

24 траўня дэлегаты 18-га зьезда Беларускай партыі левых «Справядлівы сьвет» прынялі рашэньне аб вылучэньні кандыдатам у прэзыдэнты старшыні партыі Сяргея Калякіна. За яго вылучэньне прагаласавала 105 дэлегатаў, 39 — супраць, і 16 устрымалася.

Адразу пасьля зьезду Сяргей Калякін даў эксклюзіўнае інтэрвію Радыё Свабода.

— Сяргей Іванавіч, па-першае, віншую вас з абраньнем на пасаду старшыні партыі — 21 год вы бязьменна ачольваеце партыю, наперадзе яшчэ адзін тэрімін. Акрамя гэтага, вас зьезд вылучыў у прэтэнтэнты на кандыдата ў прэзыдэнты. Але ўся апазыцыя сьцьвярджае, што выбараў няма і пакуль не прадбачыцца. Чаму адважыліся рызыкнуць?

— Хоць выбараў няма, але выбарнікі ёсьць. Ёсьць больш за 9 мільёнаў грамадзянаў краіны, зь якіх амаль 7 тысяч — выбарнікі, і частка зь іх лічыць, што «жывем дрэнна, але іншай альтэрнатывы няма, трэба цярпець і чакаць, што адбудзецца бяз нас». Таму выбары даюць магчымасьць дайсьці да гэтых людзей, чаго нельга зрабіць у нявыбарчы пэрыяд. Атрымліваючы статус кандыдата ў прэзыдэнты, атрымліваеш тэле- і радыёэфір, можаш выкласьці сваю праграму — ня буду ўсё пералічваць, але ёсьць шмат магчымасьцяў, каб людзям распавесьці, што няпраўда, што выбару няма.

Ёсьць альтэрнатыва, ёсьць іншыя людзі, ёсьць іншыя ідэі, іншыя праграмы, і беларусы могуць, павінны і заслугоўваюць жыць лепш. Гэта галоўнае, што рухае, таму што наша партыя за тое, каб былі перамены. І яны магчымыя, але для гэтага трэба шмат што зрабіць. Проста сядзець, склаўшы рукі, і чакаць — гэта ўжо немагчыма.

І яшчэ чаму мы ідзем на выбары: я ня проста незалежны кандыдат, таму што я так вырашыў. Я прадстаўляю палітычную партыю. А ў палітычнай партыі таксама ёсьць свае інтарэсы жыцьцёвыя, яна — як жывы арганізм: ёй неабходна, каб яе ведалі, яе падтрымлівалі, каб ў яе прыходзілі новыя людзі, новая кроў, каб партыя жыла і разьвівалася. Калі партыя ня ўдзельнічае ў выбарах, незразумела — навошта яна патрэбна, хоць выбараў няма.

У выбарнікаў тады ўзьнікае пытаньне: «Вось вы кажаце, што вы палітычная партыя, але вы не змагаецеся за ўладу». Ёсьць два спосабы атрыманьня ўлады: альбо ўзброеная барацьба (але звычайна нелегальная партыя ідзе па такім шляху), альбо выбары. Але пакуль бальшыня людзей ня згодная з тым, што выбараў няма.

Яны кажуць: «Наперадзе выбары, а вы ў іх ня ўдзельнічаеце...» І гэта таксама аргумэнт, каб удзельнічаць, нягледзячы на тое, што мы, нашы людзі разумеюць: што галасы ня лічаць, што будуць рэпрэсіі, што да людзей, якія будуць актыўна працаваць у ініцыятыўных групах, прыйдуць, і ім давядзецца выбіраць: «альбо — альбо, альбо праца, вучоба... » І прынята такое рашэньне — ісьці на выбары. Хаця аргумэнтаў было шмат і супраць удзелу. Больш за тое, мы галасавалі пайменна, кожны дэлегат вызначаўся, і гэта, я лічу, правільна... Тым самым чалавек казаў, што ён нясе асабістую адказнасьць за прынятае рашэньне перад партыяй, і ён будзе рабіць усё, каб даказаць, што гэта правільнае рашэньне...

— Дый па лічбах гэта адчуваецца: 105 дэлегатаў зьезду — за, 39 — супраць, 16 — устрымалася. Мне нават выведка нанесла (выбачайце за ўцечку інфармацыі, бо было закрытае паседжаньне), што ваша жонка Тацьцяна галасавала супраць вашага ўдзелу ў выбарах...

— Так. Яна разумее і адказнасьць, і наступствы. Але калі справа дойдзе да збору подпісаў, будзе актыўна зьбіраць подпісы, пойдзе у народ, як шараговы сябра партыі.

Гэтыя лічбы адлюстроўваюць пазыцыю ў партыі. Мы ж рэгулярна праводзім унутрыпартыйныя апытаньні. І вось 56% сяброў партыі лічаць, што мы павінны удзельнічаць, і што трэба вылучаць старшыню партыі. На зьезьдзе — блізкія да гэта лічбы, якія паказваюць, што гэта пазыцыя ня толькі асобнага дэлегата, а арганізацыі, якую ён прадстаўляе. І нават я бачыў на зьезьдзе, што чалавек выступаў за адно, а галасаваў за іншае — таму што партыйная арганізацыя, якую ён прадстаўляе, дала яму такі наказ, ён — дэлегат арганізацыі. Сам ён, можа, і ўнутрана сумняецца, але людзі яму сказалі: „Мы будзем працаваць, мы лічым гэта правільным крокам“. І сваёй арганізацыі ён павінен сказаць, што выканаў ваша даручэньне. На закрытым паседжаньні мы вельмі шчыра пагаварылі»

— А праўда, што дыскусія сапраўды вострая была, што там сапраўды разгараліся жарсьці? Бойкі, спадзяюся, не было?

— Ня тое слова. Праўда, да бойкі не дайшло. Калі мы на асноўнай дыскусіі не закрывалі сьпіс жадаючых выступіць, усім далі выступіць, то тут мы ўжо абмяжоўвалі — кожны дэлегат палічыў патрэбным штосьці сказаць. Гэта было асэнсаванае рашэньне.

— Вы ўжо сёмы па ліку прэтэндэнт, якія заявіў пра жаданьне ўступіць ў прэзыдэнцкую гонку. Хтосьці зь іншых прэтэндэнтаў вам сымпатычны? Да вылучэньня адзінага кандыдата апазыцыя так і не дамовілася, можа, з кімсьці ў кааліцыю на пэўным этапе аб’яднаецеся?

— Я ведаю дакладна, каго мы ні ў якім разе ня будзем падтрымліваць, нават калі ня будзем удзельнічаць. Я дакладна ня буду падтрымліваць Аляксандра Лукашэнку, я ня буду падтрымліваць Сяргея Гайдукевіча, я ня буду падтрымліваць беспрацоўнага, які толькі што зьявіўся — Шульгана, таму што я яго ня ведаю. Я не магу падтрымліваць таго, каго я ня ведаю. Магчыма, калі я даведаюся, хто за ім стаіць, і што ён за чалавек, ён можа стаць заменай, калі мы ня будзем удзельнічаць. На зьезьдзе задавалі такія пытаньні. Але мы сёньня ня вызначаліся, калі ня мы, то хто. Сёньня вызначаліся, што мы павінны быць, а ўжо потым будзем вырашаць усе іншыя пытаньні. Пакуль пытаньне адпала.

Але калі будзе другі тур, і мы выбудзем, высокія шанцы на нашу падтрымку могуць быць у Тацяны Караткевіч ці Анатоля Лябедзькі, у Алены Анісім (хаця я менш яе ведаю). То бок патэнцыйна мы ня лічым нашымі супэрнікамі іншых кандыдатаў. Больш за тое, у цяперашняй сытуацыі, калі перамога прывідная, гэта і ў партыі ўсе разумеюць.

Але ў гэтых умовах аб’яднаньне — гэта заўсёды страты. Што да аб’яднаньня, да прыкладу, з Анатолем Лябедзькам, у нас у партыі была дыскусія. Тады ён павінен «прыгладжваць» свае лібэральныя ідэі па эканоміцы, у сацыяльнай сфэры. Я таксама павінен буду прыгладжваць свае ідэі. І я згублю частку сваіх прыхільнікаў. Таму ў гэтым пляне аб’яднаньне — гэта страты. Аднак часам страта ня настолькі вялікая, наколькі вялікая мабілізацыя людзей, каб зьмяніць сытуацыю. Пакуль я не назіраю такога ў Беларусі. І падчас абмеркаваньня на працягу году па адзіным кандыдаце ў так званай «сямёрцы», я ня раз казаў, што мы ня можам дамовіцца таму, што ніхто ня верыць у перамогу. Каб верылі ў перамогу — дамовіліся б. Мы верылі ў перамогу ў 2001 годзе — дамовіліся, у 2006-м верылі — дамовіліся. У 2010-м ня верылі — і ня здолелі дамовіцца. Зараз таксама ня верым. Але гэта не азначае, што перамогі ня будзе. У нашай непрадказальнай краіне ўсё можа быць. Таму ўсе карты зараз на стале. І так адбылося, што партыя прыняла рашэньне, што мы будзем у гэтай гульні ўдзельнічаць. Пастараемся ўдзельнічаць дастойна.

Станіслаў Шушкевіч і Сяргей Калякін, 2010 год.

— Але вынік мінулых выбараў: амаль усе кандыдаты апынуліся за кратамі, многія былі жорстка зьбітыя, Мікалай Статкевіч дагэтуль у турме. Не баіцеся ісьці на выбары?

— Мне задавалі на закрытым паседжаньні такое пытаньне... Адказваю: не баюся. Але ў нашай краіне, незалежна ад таго, кандыдат ты ў прэзыдэнты альбо займаеш пазыцыю, што адрозьніваецца ад праўладнай — я ж як старшыня партыі пастаянна кажу тое, што буду казаць і падчас перадвыбарчай кампаніі — можна аказацца ў турме. Гэта сумна, але прыклад Статкевіча сьведчаньне таму. Але тут статус кандыдата ў прэзыдэнты хутчэй абараняе, чым дае магчымасьць трапіць у турму. Я не перабольшваю небясьпеку, не зьмяншаю, але трапіць за краты жаданьня няма.

Сяргей Калякін і Аляксандар Мілінкевіч

— А ў вашай перадвыбарчай праграме будзе пункт пра вызваленьне Мікалая Статкевіча ды іншых палітвязьняў?»

— Наша пазыцыя такая: калі палітвязьні будуць, лічыць выбары свабоднымі і справядлівымі нельга. Таму што пункт гледжаньня адной з арганізацый, якая вылучае Мікалая Статкевіча, ня будзе прадстаўлены на выбарах. То бок свабоды ў людзей ужо няма. У нас было абмеркаваньне ў партыі, але мы ня ставілі пытаньне рубам: калі Статкевіча ня вызваляць, мы ня будзем удзельнічаць у выбарах. Такога рашэньня партыя не прымала. Але мы выступаем пасьлядоўна: пакуль у краіне ёсьць палітзьняволеныя, казаць пра свабодныя і справядлівыя выбары нельга.

— А калі паўторыцца сцэнар выбараў 2010 года, паклічаце людзей на плошчу?

— Пакуль ня бачу ў гэтым неабходнасьці. Яшчэ раз хачу падкрэсьліць: я не лічу, што плошча, наогул, сілавыя варыянты дадуць вынік. Ва ўлады дастаткова сіл (і паказаў гэта і 2010 год, хаця ня ўсе сілы былі выкарыстаныя), улада дастаткова добра ўзброеная. А калі другі бок таксама будзе ўзброены — гэта Ўкраіна — 2. Я ня думаю, што гэта найлепшае вырашэньне пытаньня для Беларусі. Праблема ў тым, што ўлада можа давесьці народ да такога стану, што ён возьмецца за зброю. Але я не хачу ў гэтым браць удзел як арганізатар, таму што наступствы будуць сумныя для тых, хто думае, што ён хутка вырашыць сытуацыю. Сілавым шляхам хутка нічога вырашыць нельга. Ні ўладзе, ні апазыцыі.

— Але і ўлады напалоханыя падзеямі ва Ўкраіне і паўтараюць: „У нас Майдану ня будзе“. І народ беларускі таксама ў бальшыні сваёй ня хоча паўтарэньня Майдану...

— Мая пазыцыя — лепш не было б у нас Майдану. Але ўлады, мякка кажучы, сябе суцяшаюць, што ня будзе. Гэта не ад іх залежыць, усё можа быць. Асабліва калі ўлада будзе працягваць перасьледаваць усіх нязгодных. Можа і тут быць Майдан, яшчэ больш жорсткі, чым ва Ўкраіне. Усё магчыма, калі ўлады не зразумеюць усю небясьпеку паўтарэньня ўкраінскіх падзеяў.

Але я за тое, каб мы іншы шлях знайшлі. Мірны.

* * *

Калякин: Лукашенко фаворит, но реальных шансов победить в первом туре у него нет

Центральный комитет Белорусской партии левых «Справедливый мир» рекомендует съезду, который проходит 23 мая в Минске, принять решение о полномасштабном участии партии в президентских выборах 2015 года, включая выдвижение председателя партии кандидатом.

Как сообщил лидер партии Сергей Калякин, выступая с докладом, если действующая власть будет грубо нарушать избирательное законодательство и права граждан избирать и быть избранными, съезд должен оставить возможность принять решение о прекращении участия кандидата от партии в выборах.

Калякин отметил, что вариантов, при которых власть может использовать участие кандидата от партии в президентских выборах против партии, достаточно много. Также, считает он, и отказ от выдвижения партией своего кандидата может быть интерпретирован государственной пропагандой как признание ее несостоятельности, отсутствия у партии реальных программ, идей и лидеров.

По мнению Калякина, на президентских выборах-2015 «очень высока вероятность» фальсификации итогов волеизъявления граждан.

«Александр Лукашенко, хоть и является безусловным фаворитом президентской гонки, не имеет реальных шансов по итогам первого тура набрать необходимые для победы более 50% голосов избирателей», — считает Калякин.

Он отметил, что настроения и поведение избирателей в период проведения избирательной кампании будут формироваться «под влиянием ряда разнонаправленных факторов».

Во-первых, это серьезное недовольство и разочарование властью у населения, вызванное ухудшением материального и социального положения, а также отсутствием у власти внятной программы преодоления кризиса. По словам Калякина, этот фактор объективно побуждает людей к поиску позитивной альтернативы развития и создает предпосылки для роста политической активности населения.

Во-вторых, сильное влияние на белорусов продолжают оказывать события в соседней Украине. «В головы людей вбивается мысль, что оппоненты власти, предлагая перемены, приведут страну к хаосу и гражданской войне, поэтому надо сплотиться вокруг действующей власти, которая обеспечит мир и стабильность. Это, безусловно, ложь, но она воздействует на людей», — сказал Калякин.

В-третьих, полагает политик, власти могут стремиться подавлять волю и политическую активность людей, незаконно используя меры силового давления на политических оппонентов.

Решение о формате участия партии в президентских выборах, а также о выдвижении партийного кандидата в президенты будет принято 24 мая — во второй день съезда, сообщает .
Читать полностью:

* * *

"Справядлівы свет" хоча перафарматаваць апазіцыю

На думку ЦК партыі, унутры апазіцыі няма адзінага бачання шляхоў да дэмакратычнай Беларусі.

У Мінску праходзіць XVIII справаздачна-выбарны з'езд Беларускай партыі левых "Справядлівы свет". Старшыня партыі Сяргей Калякін ад імя Цэнтральнага камітэта заявіў, што "наспела неабходнасць радыкальнага перафарматавання існуючых у апазіцыі каардынацыйных структур".

Палітык згадаў так званую "сямёрку", якая каардынавала дзеянні апазіцыйных арганізацыяў і партыяў. Акрамя партыі "Справядлівы свет" у яе ўваходзяць Аб'яднаная грамадзянская партыя, Беларуская сацыял-дэмакратычная партыя (Грамада), Партыя БНФ, аргкамітэт партыі "Беларуская хрысціянская дэмакратыя", рух "За Свабоду" і кампанія "Гавары праўду". Па словах Калякіна, якія перадае , за апошнія гады ў "сямёрцы" не было сур'ёзных дасягненняў, у тым ліку безвынікова скончыліся амаль гадавыя перамовы наконт сумесных дзеянняў апазіцыі на прэзідэнцкіх выбарах 2015 года.

Калякін адзначыў, што агульны стан спраў у палітычнай апазіцыі сёння горшы, чым чатыры гады таму. Па яго словах, пасля драматычных падзей снежня 2010 года моцна знізіўся ўзровень даверу ўнутры апазіцыі. Фактычна адсутнічае адзінае бачанне шляхоў руху да дэмакратычнай Беларусі.

Лідар партыі левых лічыць непрымальным, што ад імя апазіцыі ўнутры краіны і за яе межамі гаворыць "сямёрка", дзе колькасна пераважаюць правыя партыі. На яго думку, гэта "не адлюстроўвае рэальнага раскладу сіл на апазіцыйным палітычным полі".

Источник: Белорусская социал-демократическая партия (Грамада)

  Обсудить новость на Форуме