20:30 05.06.2012 | Все новости раздела "Белорусская социал-демократическая партия (Грамада)"

Старшыня БСДП Ірына Вештард сустрэлася з намеснікам старшыні Літоўскай сацыял-дэмакратычнай партыі Альгірдасам Сысасам

Днямі адбыўся візіт старшыні БСДП Ірыны Вештард у Літоўскую Рэспубліку. Візіт у асноўным меў азнаямленчы характар і быў найперш звязаны з перайманнем вопыта правядзення выбарчых кампаній у Літве.

Пад час візіту адбылася сустрэча І. Вештард з намеснікам старшыні Літоўскай сацыял-дэмакратычнай партыі, дэпутатам літоўскага парламента Альгірдасам Сысасам. Бакі адзначылі неабходнасць ажыўлення і ўмацоўвання міжпартыйных кантактаў, маючы на ўвазе пэўнае пахаладанне ва ўзаемных адносінах паміж партыйнымі структурамі дзьвух краін у нядаўнім мінулым.

Была дасягнутая дамоўленасць аб магчымасцях узаемнага ўдзелу сябраў партый у выбарчых кампаніях у якасці назіральнікаў. У Літве парламенцкія выбары прызначаны на 14 кастрычніка 2012 года, а у Беларусі выбары ў Палату прадстаўнікоў Нацыянальнага Сходу павінны адбыцца да 23 верасня бягучага года.

Таксама Альгердас Сысас распавёў сваім беларускім калегам аб тым, як у літоўскіх сацыял-дэмакратаў наладжаны збор складак і як людзі матывуюцца для ўдзелу ў палітычным жыцці краіны. Ён паведаміў, што ў сярэднім збіраецца каля 1 млн. долараў на год.

Напрыканцы сустрэчы кіраўніцтва партый дамовілася падтрымліваць адносіны і па-за межамі палітычных выбарчых кампаній. Так, мяркуецца пры наступнай сустрэчы абмеркаваць актуальныя пытанні для паспяховага партыйнага мэнэджменту.

Источник: Белорусская социал-демократическая партия (Грамада)

  Обсудить новость на Форуме