12:01 07.04.2011 | Все новости раздела "Белорусская социал-демократическая партия (Грамада)"

Сёння Ірына Вештард і Аляксей Сігаеў ідуць у Міністэрства юстыцыі

МІНІСТРУ ЮСТЫЦЫІ
РЭСПУБЛІКІ БЕЛАРУСЬ

Вештард Ірыны Зянонаўны
,вул. Заводская, д. 56, корп. 3, кв. 11
231000, г. Смаргонь

Зварот

З сайта Міністэрства юстыцыі:

«О выполнении Белорусской социал-демократической партией (Грамада) требований приказа Министерства юстиции Республики Беларусь

       Как ранее сообщалось Министерством  юстиции Республики Беларусь, в связи  с тем, что Белорусская социал-демократическая  партия (Грамада) в течение длительного времени, нарушая собственный устав, не осуществляла проведение своего повторного XIII съезда, Министерство юстиции вынуждено было приказом от 06.01.2011 № 5 вынести этому юридическому лицу письменное предупреждение. Указанной политической партии (далее - БСДП(Г)) предписывалось в течение двух недель представить в Министерство юстиции сведения о дате своего повторного XIII съезда, о месте и времени его проведения, норме представительства на нём.
      Данные  требования регистрирующего органа БСДП(Г) в установленный регистрирующим органом срок не исполнила.
      Учитывая  эти и иные обстоятельства, связанные  с допущенными новыми грубыми  нарушениями требований устава и  законодательства, Министерство юстиции  вынесло БСДП(Г) 24.01.2011 ещё одно письменное предупреждение (приказ № 14). Министерство юстиции обязало БСДП(Г) в установленный регистрирующим органом срок подготовить и провести повторный легитимный XIII съезд, ликвидировать иные нарушения требований устава и законодательства и представить доказательства выполнения этих требований.
      В Министерство юстиции поступило 25.01.2011 письмо за подписью члена Центрального комитета БСДП(Г) Масловского И.В., из которого следует, что 28.11.2010 состоялось заседание Президиума, а 23.01.2011 - заседание Центрального комитета БСДП(Г), на которых принято решение созвать повторный XIII съезд 15 мая 2011 года.
      Вместе  с тем, решения этих коллегиальных  органов не имеют юридической  силы, поскольку в соответствии с  уставом БСДП(Г) полномочия Президиума и Центрального комитета истекли 03 августа 2010 года.
      В сложившихся условиях по аналогии с  созданием политической партии лишь сформированный организационный комитет  может принять решения, связанные  с подготовкой заседания её высшего  органа.
      07 февраля 2011 года в Министерство юстиции представлены два протокола заседаний организационного комитета по подготовке повторного XIII съезда (создание оргкомитета, к которому перешли полномочия Президиума и ЦК по вопросам подготовки съезда, предусмотрено вторым из письменных предупреждений). Согласно этим протоколам 03 февраля 2011 года сформирован оргкомитет, на заседании которого принято решение о проведении повторного XIII съезда БСДП(Г).”

Храналогія падзей такая. Пытанне аб скліканні чарговага XIII з'езда БСДП, які згодна са Статутам павінен быў адбыцца да 3.08.2010 г., пачало ставіцца сябрамі Прэзідыуму БСДП са студзеня 2010 г., таму што па Статуце працэс падрыхтоўкі займае не менш як тры месяцы.

Тым не менш, нягледзячы на настойлівыя патрабаванні сябраў Прэзідыума і шараговых сябраў партыі, пастаноўка пытання аб З’ездзе ў парадак дня пасяджэння Прэзідыума блакавалася старшынём БСДП А.Ляўковічам. У студзені і лютым 2010 г. ён правёў пасяджэнні Прэзідыума з парушэннямі нормаў Статута, а ў сакавіку пасяджэнне не клікаў. І толькі ў красавіку было вырашана склікаць пасяджэнне ЦК БСДП  27 чэрвеня. Такім чынам, згодна са Статутам БСДП З’езд можна было правесці не раней за 28 верасня, і датай яго правядзення стала 10.10.2010 г.

Насуперак прынятым рашэнням Прэзідыума і ЦК БСДП аб правядзенні XIII з’езда, старшыня А.Ляўковіч ніякім чынам не ўдзельнічаў у яго падрыхтоўцы. На той момант і зараз апарату  ў партыі няма, паколькі яна не мае сродкаў на яго ўтрыманне. Для таго, каб статутныя нормы былі выкананыя, ініцыятыву па тэхнічным забеспячэнні падрыхтоўкі і правядзення З’езду ўзялі на сябе сябры Прэзідыума БСДП, своечасова даслаўшы ў партыйныя арганізацыі і дэлегатам праекты дакументаў З’езду.

Пра тое, што старшыня БСДП самаўхіліўся ад падрыхтоўкі З’езду, супрацоўнікам Міністэрства юстыцыі вядома.

31.08.2010 г. адбылося чарговае пасяджэнне Прэзідыума БСДП. Як высветлілася пазней, у Міністэрства юстыцыі быў дасланы сфальшаваны пратакол пасяджэння, падпісаны А.Ляўковічам і І.Анташкевічам (на пасяджэнні Прэзідыума 31.08.2010 г. прысутнічаў М. Грыб, генеральны сакратар партыі, і згодна з п. 6.6 Статута подпіс пад складзеным пратаколам павінен быў паставіць ён, а не І. Анташкевіч). У дадзеным  пратаколе  сцвярджаецца, што на пасяджэнні Прэзідыума пацверджана спыненне сяброўства А.Сідарэвіча ў партыі на падставе вуснай заявы, якую ён зрабіў 30 жніўня. Міністэрству юстыцыі дасылаліся тлумачэнні па гэтым пытанні. У тлумачэннях пісалі, што пратакол пасяджэння Прэзідыума БСДП ад 31 жніўня 2010 сфальшываваны А.Ляўковічам і І.Анташкевічам, таму што на пасяджэнні Прэзідыума не прымалася рашэнне аб тым, каб прыняць да ведама, што А.Сідарэвіч спыніў сяброўства ў партыі (гл. п. 3.9 Статута БСДП). Таксама ў тлумачэнні пісалі і пра тое, што  Прэзідыум не мае паўнамоцтваў прымаць такое рашэнне, таму што згодна з п. 3.2. членства ў БСДП фіксаванае і ў адпаведнасці з пп. 3.8 сябра БСДП стаіць на ўліку ў раённай арганізацыі, якая і прымае рашэнне аб спыненні сяброўства (п.п. 3.9 і 3.13 Статута партыі). У тлумачэнні пісалі і пра тое, што  ні камітэт Першамайскай раённай арганізацыі г. Мінска, ні сход такога рашэння не прымалі, спыненне сяброўства А. Сідарэвіча ў партыі не фіксавалася,  і ён са спісу арганізацыі выключаны не быў. Мы сваімі шчырымі і сумленнымі сябрамі даражым, а таму рабілі ўсе, каб знайсці згоду і паразуменне. У самы кароткі час правялі перамовы, знайшлі згоду і прыйшлі  да высновы, што будзем разам у сябрах партыі і будзем разам працаваць на аўтарытэт партыі. Такім чынам, на момант правядзення З’езду А.Сідарэвіч з’яўляўся сябрам БСДП і з’яўляецца ім да гэтага часу. 1 лютага 2011 г. А. Сідарэвіч (намеснік старшыні партыі) і В. Болбат (старшыня ЦРК партыі) былі ў Міністэрстве юстыцыі. Супрацоўнікі А. П. Харытон і А. О. Кірычэнка ў гэты дзень казалі  А. Сідарэвічу ў прысутнасці В. Болбата, што А. Сідарэвіч не сябра партыі, што з ім па партыйных пытаннях не будуць размаўляць, прасілі пакінуць памяшканне.

Да таго ж на сайце МЮ ад 28.01.11 г. таксама была наступная інфармацыя: “От имени БСДП(Г) был подписан ряд документов лицами, которые в соответствии с уставом данного юридического лица не имели на то права (в том числе Сидоревичем А.М., вышедшим из БСДП(Г) 30.08.2010).»   

У гэтым паведамленні МЮ недакладнасць. Пад заявай, змешчанай на сайце БСДП 30.08.2010 г., стаіць іншая дата – 30 верасня 2010 г. Якая дата сапраўдная?

26.09.2010 г. А.Ляўковіч адкрываў пасяджэнне ЦК, на якіх прымаліся канчатковыя варыянты праектаў дакументаў да З’езду. Сакратаром гэтага пасяджэння быў выбраны А. Сідарэвіч. На гэтым пасяджэнні на пасаду старшыні партыі была вылучана кандыдатура А. Сідарэвіча. І ў абодвух выпадках А. Ляўковіч не пярэчыў, нічога не казаў аб сяброўстве А. Сідарэвіча ў партыі, бо разумеў, што А. Сідарэвіч з’яўляецца сябрам БСДП.

10.10.2010 г. А. Ляўковіч адкрываў адкрываў З’езд і не казаў, што А. Сідарэвіч не з’яўляецца сябрам партыі, хоць апошні ўжо знаходзіўся ў спісе прапанаваных кандыдатур на пасаду старшыні партыі. Калі кандыдутру А. Сідарэвіча ўключалі ў бюлетэнь для таемнага галасавання, А. Ляўковіч таксама не казаў, што А. Сідарэвіч не з’яўляецца сябрам партыі. Пасля агучвання вынікаў галасавання па кандыдатуры старшыні БСДП, згодна з якімі новым старшынём быў абраны А.Сідарэвіч, заявіў аб нелігітымнасці З’езду, але, зноў жа, нічога не сказаў пра абранне старшынёй партыі беспартыйнага.

Пытанне пра партыйнасць А. Сідарэвіча 10.10.2010 г. задаваў А. Гнеўка. Даведку на гэты конт даваў старшыня Першамайскай раённай партыйнай арганізацыі г. Мінска М. Мяцельскі, і на аснове гэтай даведкі было прынята да ведама, што Сідарэвіч з’яўляецца сябрам БСДП. Ляўковіч інфармацыі М. Мяцельскага і гэтага рашэння не аспрэчваў, але пасля З’езду ён даслаў у Міністэрства юстыцыі сфальшаваны пратакол пасяджэння Прэзідыума ад 31.08.2010 г., які стаў адным з фактараў непрызнання XIII з’езду БСДП Міністэрствам.

26.11.2010 г. А.Ляўковіч нібыта арганізаваў правядзенне пасяджэння Прэзідыума партыі і паведаміў пра яго і прынятыя рашэнні на партыйным сайце. Першае: з дадзенага паведамлення вынікала, што пытанне пра пасяджэнне ЦК і паўторны З’езд А. Ляўковіч не ставіў. Другое: праз суткі пасля гэтага паведамлення было высветлена, што ў дадзеным пасяджэнні (26.11.2010 г.) прымалі удзел толькі 3 сябры Прэзідыума партыі. Акрамя таго, А. Ляўковіч не паведаміў 7 сябрам Прэзідыума пра плануемае пасяджэнне. Такім чынам, А. Ляўковіч чарговы раз сфальшаваў дакумент -- пратакол пасяджэння Прэзідыума партыі ад 26.11.2010 г.

28.11.2010 г. пасяджэнне Прэзідыуму БСДП было праведзена згодна з п. 4.5 Статута, г. зн. з неабходным кворумам, для прызначэння пасяджэння ЦК (23.01.2011 г.) і вынясення на разгляд ЦК прапановы аб даце З’езду. На дадзенае пасяджэнне Прэзідыума своечасова запрашалі і А. Ляўковіча, але на пасяджэнне Прэзідыума не прыйшоў. На гэтым жа пасяджэнні сябры Прэзідыуму выказалі недавер старшыні партыі А.Ляўковічу. Лічу, што недавер А. Ляўковічу выказалі справядліва, паколькі нельга пагаджацца з тым, каб старшыня партыі не дасылаў адказы на звароты сяброў партыі БСДП, ігнараваў запыты Цэнтральнай Рэвізійнай Камісіі і да таго ж сістэматычна складаў фальшывыя дакументы. Каб маё меркаванне было больш пераканаўчым, прывяду некаторыя прыклады. У 2008–2009 гг. у партыйных арганізацыях збіраліся складкі, а сабраныя сродкі пераводзіліся на рахунак Віцебскай абласной арганізацыі. Нягледзячы на тое, што ў адпаведнасці са Статутам БСДП партыйнымі сродкамі можа распараджацца толькі Прэзідыум БСДП, А. Ляўковіч да гэтага часу не прадставіў дакументальную справаздачу, на якія мэты і ў адпаведнасці з якімі рашэннямі Прэзідыума партыі выдаткоўваліся партыйныя сродкі ў 2008–2009 гг. 30 красавіка 2010 г. ЦРК накіравала А. Ляўковічу запыт ЦРК БСДП, у якім ставілася пытанне і пра выкарыстанне партыйных складак. Нягледзячы на неаднаразовыя напаміны, адказ Ляўковіч не даслаў па сённяшні дзень. Склікаючы пасяджэнні Прэзідыума партыі, А. Ляўковіч наўмысна не паведамляў пра даты яго пасяджэнняў усім сябрам Прэзідыума без выключэння або паведамляў аб маючых адбыцца пасяджэннях у самы апошні момант, як гэта было ў студзені і лютым 2010 г. Пасяджэнні Прэзідыума партыі Ляўковіч склікаў у працоўныя дні, і некаторыя сябры не маглі прысутнічаць на пасяджэннях, паколькі неабходна было знаходзіцца на працы. На нашы прапановы прызначаць пасяджэнні Прэзідыума ў выходныя не звяртаў увагі. Прэзідыум партыі прыняў пастанову аб рэгістрацыі Кастрычніцкай раённай партыйнай суполкі ў Магілёве. Такім чынам, магла адкрыцца перспектыва рэгістрацыі Магілёўскай абласной арганізацыі БСДП, аднак А. Ляўковіч адмовіўся падпісаць належныя дакументы для рэгістрацыі суполкі ў галоўным упраўленні юстыцыі Магілёўскага аблвыканкама. Такім чынам, ён перашкодзіў выкананню прынятага  партыйнага рашэння.  Немагчыма расказаць пра ўсё, я вельмі хачу, каб і Вы разумелі, што на пасяджэнні Прэзідыума 28.11.2010 г. мы ўзважана выказалі недавер Ляўковічу.

Дакладная і поўная інфармацыя аб прынятых 28.11.2010 г. рашэннях Прэзідыумам партыі была на наступны дзень змешчана на сайце партыі. Змест інфармацыі пацвярджаў, што пасяджэнне ЦК прызначана на 23.01.2011 г. і што на гэтым пасяджэнні будзе разгледжана прапанова склікаць З’езд БСДП.

23.01.2011 г. у адпаведнасці са Статутам было праведзена пасяджэнне ЦК партыі, на якім была прызначана дата паўторнага З’езду (15.05.2011 г.), месца правядзення З’езду  (г. Мінск) і вызначана квота вылучэння дэлегатаў на З’езд (1 чалавек ад 20 сяброў партыі). Такім чынам, мы выканалі ўсе патрабанні Міністэрства юстыцыі.

Міністэрства юстыцыі выдае загад ад 06.01.2011 г., у якім сцвярджаецца, што « Более того, на сайте БСДП(Г) с доменным именем 15. 11. 2010 была размещена информация, свидетельствующая о том, что БСДП(Г) не торопится с принятием решения о дате повторного 13 съезда. В дальнейшем эта информация нашла своё подтверждение в глобальной сети Интэрнэт…»  Пра дадзены загад нам стала вядома не адразу.

12.11.2010 г. Міністэрства юстыцыі накіравала інфармацыю на адрас ЦК партыі аб тым, што прызнае З’езд нелегітымным. Гэты дакумент мы атрымалі і паведамленне на сайце Міністэрства юстыцыі чыталі. Патрэбна мець хоць некаторы час, каб інфармацыю атрымаць, яе абмеркаваць, удакладніць, пракансультавацца па некаторых пытаннях, а потым сабраць кворумны Прэзідыум і на ім прыняць рашэнне. Да таго ж А. Ляўковіч не спяшаўся, а калі ад яго запатрабавалі склікаць пасяджэнне Прэзідыума не пазней як 28 лістапада, ён змясціў на сайце паведамленне, нібыта 26.11.2010 г. пасяджэнне адбылося.

28.11.2010 г. былоправедзена (насуперак Ляўковічу) пасяджэнне Прэзідыума партыі. Было прызначана пасяджэнне ЦК, а Міністэрства юстыцыі сцвярджае ў сваім загадзе №5 ад 06.01.11 г., што мы, партыя, не спяшаемся праводзіць свой паўторны З’езд. 

На сайце БСДП пра ўсё гэта былі своечасовыя паведамленні (яны цытуюцца ніжэй). Калі супрацоўнікі Міністэрства юстыцыі бачылі іншыя паведамленні на нашым сайце і згадваюць іх у сваіх дакументах, то, мяркую, бачылі і паведамленне аб прызначэнні даты пасяджэння ЦК БСДП і прапановы па яго парадку дня.

Пра папярэджанне, вынесенае нашай партыі 06.01.2011 г., ведалі А. Ляўковіч і яго намеснік І. Анташкевіч, якога адмыслова выклікалі ў МЮ, каб ён рапісаўся на копіі загаду. І абодва яны ўтойвалі гэты факт ад партыі. І толькі 24.01.2011 г. А. Ляўковіч сказаў А. Трусаву: “Вам вынесена папярэджанне.” Звярніце ўвагу: “вам”, а не “нам”. Ляўковіч, ведаючы пра загад, які паступіў з Міністэрства юстыцыі, нічога не прадпрымаў.

Я праглядзела паведамленні, змешчаныя на нашым партыйным сайце 15.11.2010 г. Ад 12.11.2010 г. да 15.11.2010 г. прайшло 2-3 дні (13-га і 14-га былі субота і нядзеля), і за гэты тэрмін проста немагчыма нават абмеркаваць, а не толькі прыняць рашэнне аб даце паўторнага. А потым А. Ляўковіч упарта не жадаў праводзіць пасяджэнне Прэзідыума. І ўсё ж пасяджэнне адбылося, пра што сведчыць інфармацыя ў глабальным сеціве Інтэрнэт:

“У ПРЭЗІДЫУМЕ БСДП

28 лістапада адбылося пасяджэнне Прэзідыума Беларускай сацыял-дэмакратычнай партыі (Грамады). 

АБ ПАСЯДЖЭННІ ПРЭЗІДЫУМА БСДП 26 ЛІСТАПАДА

 Сябры Прэзідыума абмяняліся інфармацыяй наконт паведамлення, змешчанага на сайце БСДП 26 лістапада. З гэтага паведамлення вынікала, што 26 лістапада адбылося пасяджэнне Прэзідыума БСДП.

Было канстатавана: пра тое, што такое пасяджэнне адбудзецца, не ведаліпершы намеснік старшыні БСДП, старшыня Брэсцкай абласной арганізацыі Ігар Маслоўскі, генеральны сакратар партыі Мечаслаў Грыб, скарбнік партыі Мікалай Мяцельскі, старшыні Віцебскай, Гродзенскай абласных і Мінскай гарадской арганізацый Фёдар Муханаў, Ірына Вештард і Аляксей Сігаеў, сябар Прэзідыума ад членаў партыі Магілёўскай вобласці Ігар Барысаў. Не паведамлялася аб маючым адбыцца пасяджэнні Прэздыума таксама Анатолю Сідарэвічу, якога Анатоль Ляўковіч і Іван Анташкевіч не лічаць сябрам партыі. Не прысутнічалі на пасяджэнні 26 лістапада таксама старшыня Мінскай абласной арганізацыі БСДП Аляксандр Падойніцын і сябар Прэзідыума ад членаў партыі Гомельскай вобласці Алег Шабетнік (яны не бралі ўдзелу і ў пасяджэнні 28 лістапада).

Такім чынам, удзельнікамі пасяджэння 26 лістапада былі тры сябры Прэзідыума БСДП, што робіць яго цалкам нелегітымным.

АБ СЯБРОЎСТВЕ А. СІДАРЭВІЧА Ў БСДП

Прэзідыум БСДП разгледзеў пытанне аб сяброўстве ў партыі Анатоля Сідарэвіча. Сябры Прэзідыума былі азнаёмленыя з пратаколам пасяджэння Першамайскага раённага камітэта г. Мінска ад 21 лістапада.

Прынята да ведама, што Першамайская раённая арганізацыя БСДП, у якой А. Сідарэвіч стаіць на ўліку, і Першамайскі раённы камітэт не фіксавалі ў сваіх пратаколах спынення сяброўства ў партыі А. Сідарэвіча, не выключалі яго са спісу арганізацыі і што Першамайскі раённы камітэт, канстатаваўшы гэтыя факты, пацвердзіў сяброўства А. Сідарэвіча ў Беларускай сацыял-дэмакратычнай партыі (Грамадзе).

Як вядома, у Міністэрства юстыцыі А. Ляўковічам і І. Анташкевічам быў дасланы пратакол пасяджэння Прэзідыума БСДП ад 31 жніўня 2010 г., у якім нібыта было канстатавана, што А. Сідарэвіч выйшаў з партыі. На падставе інфармацыі, атрыманай ад Ігара Барысава, Ірыны Вештард, Мечаслава Грыба, Фёдара Муханава, а таксама старшыні Цэнтральнай Рэвізійнай Камісіі БСДП Вячаслава Болбата, які браў удзел у пасяджэнні 31 жніўня, сябры Прэзідыума БСДП прыйшлі да высновы, што пратакол пасяджэння Прэзідыума БСДП ад 31 жніўня 2010 г., фальсіфікаваны.

Сябры Прэзідыума прынялі заяву, у якой сцвярджаецца, што Прэзідыум БСДП не мог фіксаваць і не фіксаваў у сваіх пратаколах выхад Анатоля Сідарэвіча з партыі, бо Статут партыі не дае яму такога права.

АБ РАШЭННІ МІНІСТЭРСТВА ЮСТЫЦЫІ

Прэзідыум заслухаў інфармацыю Мечаслава Грыба аб рашэнні Міністэрства юстыцыі аб прызнанні ХІІІ з’езду БСДП нелегітымным. Паколькі гэтае адпаведнае пісьмо Міністэрства юстыцыі адрасавана Цэнтральнаму Камітэту партыі, то нейкае рашэнне па ім можа прыняць толькі Цэнтральны БСДП. З тае прычыны, што склікаць пасяджэнне ЦК у бліжэйшы час немагчыма і што ў сілу вядомых прычын яшчэ ніводная партыя не аспрэчыла рашэнне Міністэрства юстыцыі ў судзе, было прынята рашэнне прыняць інфармацыю М. Грыба да ведама. Адначасна сябрам партыі, якія пражываюць у Магілёўскай вобласці, было рэкамендавана звярнуцца ў Міністэрства юстыцыі з просьбай, каб яно ў пісьмовай форме растлумачыла механізм абрання дэлегатаў на партыйны з’езд ад незарэгістраваных абласных арганізацый.

АБ ПАСЯДЖЭННІ ЦК БСДП І З’ЕЗДЗЕ ПАРТЫІ

Заслухаўшы Ігара Маслоўскага, Прэзідыум вырашыў склікаць пасяджэнне Цэнтральнага Камітэта БСДП 23 студзеня 2011 г.

У парадак дня ЦК прапануецца ўключыць наступныя пытанні: 1) аб выніках прэзідэнцкай выбарчай кампаніі; 2) аб платформе партыі да парламенцкіх выбараў; 3) аб ХІІІ з’ездзе БСДП; 4) рознае.

Мяркуецца, што ў парадак дня З’езду будуць уключаныя тыя ж пытанні, якія арзглядаліся 10 кастрычніка: 1) справаздача Цэнтральнага Камітэта; 2) справаздача Цэнтральнай Рэвізійнай Камісіі; 3) аб змяненнях у Выбарчым рэгламенце БСДП; 4) аб змяненнях і дапаўненнях у Статут БСДП; 5) выбары Цэнтральнага Камітэта і Цэнтральнай Рэвізійнай Камісіі.   

АБ ПАВОДЗІНАХ А. ЛЯЎКОВІЧА

Абмеркаваўшы даклад Ірыны Вештард аб паводзінах Анатоля Ляўковіча, Прэзідыум БСДП пастанавіў выказаць яму недавер. Заява з матывіроўкай гэтай пастановы будзе апублікавана.”

 “БСДП (ГРАМАДА) ПРАВЯДЗЕ ПАЎТОРНЫ З'ЕЗД ПАСЛЯ ПРЭЗІДЭНЦКІХ ВЫБАРАЎ

Аўт, 30/11/2010 - 14:49 Палітыка

Сацыял-дэмакраты правядуць паўторна ХІІІ з’езд пасля Новага года. Пра гэта Еўрарадыё паведаміў адзін з кіраўнікоў партыі Мечыслаў Грыб.

Нагадаем, выбарны з’езд партыі, які праходзіў 10 кастрычніка, Міністэрства юстыцыі прызнала нелегітымным. На ім Анатоля Ляўковіча на пасадзе старшыні партыі замяніў Анатоль Сідарэвіч.

Па словах Грыба, рашэнне пра з’езд было прынятае на паседжанне прэзідыума. Запрошаны на яго быў і Анатоль Ляўковіч. Аднак за тры дні да паседжання прэзідыума Ляўковіч вырашыў апярэдзіць "канкурэнтаў" і склікаў сваіх прыхільнікаў у прэзідыуме. Праўда, кажа Грыб, на паседжанні, якое склікаў Ляўковіч, было менш за палову сябраў прэзідыуму, таму гэты сход не быў сапраўдным.

Грыб кажа, што  сябры прэзідыума выказалі недавер старшыні Ляўковічу з-за падману:

Грыб: “Пасля прэзідэнцкіх выбараў мы склічам ЦК, недзе ў студзені. На гэтым ЦК вырашым, калі правесці з’езд, бо прэзідыум не мае такіх паўнамоцтваў. І самае галоўнае - сябры прэзідыума з-за чарговых падманаў, фальсіфікацыяў, вось гэтых несапраўднасцяў выказалі недавер старшыні Ляўковічу”.

Цяпер партыяй фактычна кіруе першы намеснік старшыні Ігар Маслоўскі, паведаміў Грыб.

Еўрарадыё  http://euroradio.by/       14:43 30.11.10”

Дадзеныя матэрыялы пацвярджаюць працу па падрыхтоўцы паўторнага ХІІІ з’езду БСДП.

Між тым у адказе ад 14.03.2011 г. Міністэрства юстыцыі на маё імя напісана: “Кроме того, публикации на партийном сайте свидетельствовали о том, что энергия ряда бывших членов Центрального комитета и Президиума направлена не на подготовку повторного 13 съезда, а на внутрипартийную борьбу…”

Няма ў нас унутрыпартыйнай барацьбы, і вышэйпрыведзеныя паведамленні сведчаць, што ішла і ідзе праца па падрыхтоўцы паўторнага З’езду. Не пагаджаемся з дзеяннямі А. Ляўковіча і лічым, што маем на тое абгрунтаваныя падставы.

На наступны дзень пасля пасяджэння ЦК БСДП і прызначэння даты З’езду, а менавіта 24.01.2011 г. Міністэрства юстыцыі вынесла партыі яшчэ адно папярэджанне. Дакладны змест яго мы не ведаем і зараз. 25.01.2011 А.Ляўковіч патэлефанаваў А. Сігаеву і паведаміў, што партыі вынесена і другое папярэджанне. Гэта пры тым, што старшыня партыі павінен быў прыняць усе захады для выканання папярэдніх патрабаванняў Мінюста. Але А.Ляўковіч праігнараваў гэтыя патрабаванні і своечасова не праінфармаваў пра іх іншых сяброў партыі. Калі старшыня БСДП ведае пра патрабаванні Мінюста, але не паведамляе Прэзідыуму, не прадпрымае ніякіх крокаў для выпраўлення становішча (не склікае пасяджэнні Прэзідыума і ЦК) то, такім чынам, адкрыта парушае Статут БСДП, а таксама ігнаруе патрабаванні Міністэрства юстыцыі. Але супрацоўнікі Міністэрства юстыцыі вырашылі, што другое папярэджанне неабходна ўручыць менавіта таму, хто не ніяк не адрэагаваў на першае папярэджанне, -- А. Ляўковічу.

01.02.2011 г. А. Сідарэвіч і В. Болбат, як я ўжо згадвала, хадзілі ў Міністэрства юстыцыі і прасілі даць ім магчымасць азнаёміцца са зместам другога папярэджання партыі ад 24.01.2010 г., паколькі А. Ляўковіч дадзены дакумент Міністэрства юстыцыі ўтаіў ад сяброў партыі. В. Болбат тройчы прасіў, каб далі копію ці ксеракопію апошняга папярэджання або хоць бы прачытаць змест дакумента. Аднак ні копію, ні ксеракопію яму не далі, і прачытаць змест дакумента таксама  не дазволілі.

У адказе ад 14.03.2011 г. на маё імя напісана: “Представители БСДП(Г) также не посчитали нужным поинтересоваться в Министерстве юстиции о механизме повторного ХІІІ съезда…” Па-першае, пра ўсё ведаў Ляўковіч, але толькі 24.01.2011 г. ён паведаміў пра гэта А. Трусаву. Па-другое, калі немагчыма нават хоць бы прачытаць змест папярэджання ў Міністэрстве юстыцыі (01.02.2011 г. Сідарэвіч і Болбат былі ў МЮ), то як жа ў такім разе весці размову аб кансультацыі?

05.02.2001 г. на пасяджэнні Маскоўскага раённага партыйнага камітэта г. Брэста А. Ляўковіч катэгарычна адмовіўся пазнаёміць сяброў партыі са зместам другога папярэджання. Гэта стала яшчэ адной прычынай спынення сяброўства А. Ляўковіча ў партыі (рашэннем Маскоўскага раённага камітэта г. Брэста ад 05.02.2011).

Нарэшце 08.02.2011 на сайце Міністэрства юстыцыі з’явілася інфармацыя “О выполнении Белорусской социал-демократической партией (Грамада) требований приказа Министерства юстиции Республики Беларусь.” (змест інфармацыі ў пачатку гэтага ліста).

Са зместу дадзенай інфармацыі мы зразумелі, што ў Міністэрстве юстыцыі зарэгістраваны аргкамітэт, які ўзначаліў беспартыйны А. Ляўковіч. На жаль, Міністэрства не паведаміла істотныя моманты:

1) ці лічыцца БСДП па-ранейшаму юрыдычнай асобай,

2) ці застаецца ў сіле Статут партыі?

Калі Статут партыі застаецца ў сіле, то на падставе якога параграфа Статута створаны аргкамітэт? І як быць з прынцыпам выбарнасці ўсіх органаў БСДП і галоснасці ў іх працы (п. 1.3 Статута)?

Арганізацыйныя структуры БСДП не прымалі ўдзел у складанні аргкамітэта і наогул нічога не ведалі пра аргкамітэт да з’яўлення паведамлення на сайце Міністэрства юстыцыі 08.02.2011 г.

Адразу пасля самачыннага сфармавання дадзены аргкамітэт скіраваў свае намаганні на групавыя выключэнні сяброў партыі насуперак параграфам 3.7, абз. 6 і 3.9–3.12 Статута БСДП. Нічым іншым, акрамя таго, што паведаміў у Міністэрства юстыцыі дату паўторнага З’езду БСДП, так званы аргкамітэт не займаўся. Дата З’езду вызначана ім з парушэннем п 5.3 Статута партыі і адрозніваецца ад даты, пра якую раней (24.01.2011 г.) было паведамленне ў Міністэрства юстыцыі ад ЦК БСДП.

Дата правядзення З’езду, прызначаная 23.01.2011 г. Цэнтральным Камітэтам БСДП (15.05.2011 г.), адпавядае параграфу 5.3 Статута БСДП. Яна была ўзгоднена з абласнымі і Мінскай гарадской арганізацыямі і даведзена да іх ведама. У той жа час самазваны аргкамітэт ніякай арганізацыйнай працы па падрыхтоўцы З’езду не праводзіў і не праводзіць зараз. Партыйныя арганізацыя і сёння не ведаюць, якая норма прадстаўніцтва на тым з’ездзе, які нібыта збіраецца праводзіць самазваны аргкамітэт, якія пытанні будуць разглядацца. Не атрымлівалі арганізацыі і праектаў дакументаў таго з’езду, хоць, згодна са Статутам (п. 5.5) павінны былі іх атрымаць.

Статутам БСДП (п. 5.17, абз. 10) прадугледжана, што кандыдатуры на пасады старшыні партыі і яго намеснікаў для прадстаўлення іх З’езду зацвярджае Цэнтральны Камітэт. Ці гэтая норма Статута ўжо скасавана?  

З Закона РБ “Аб палітычных партыях”

. Асноўныя прынцыпы дзейнасцi палiтычных партый, саюзаў

Палiтычныя партыi, саюзы, дзейнiчаюць на аснове прынцыпаў свабоды аб’яднання, дэмакратызму, законнасцi, галоснасцi, самакiравання i раўнапраўя ўсiх палiтычных партый, саюзаў.

Прававая аснова дзейнасцi палiтычных партый, саюзаў

Прававую аснову дзейнасцi палiтычных партый, саюзаў складаюць Рэспублiкi Беларусь, гэты Закон i iншыя акты заканадаўства.

Палiтычныя партыi ажыццяўляюць сваю дзейнасць згодна з iх статутам i праграмамi.

Саюзы ажыццяўляюць сваю дзейнасць згодна з iх статутамi i ўстаноўчымi дагаворамi.

Са Статута БСДП

1.3. БСДП дзейнічае ў адпаведнасці з Канстытуцыяй Рэспублікі Беларусь, Законам Рэспублікі Беларусь «Аб палітычных партыях», іншымі актамі заканадаўства Рэспублікі Беларусь, Праграмай і гэтым Статутам на прынцыпах:

– добраахвотнасці ўступлення ў партыю і выхаду з яе;

– выбарнасці ўсіх кіруючых і кантрольных органаў партыі;

– галоснасці ў працы арганізацыйных структур партыі і яе выбарных органаў усіх узроўняў;

– гарантыі правоў меншасці ў партыі, якія забяспечваюцца прадастаўленнем свабоды стварэння груп (фракцый), правам паўторнага вынясення спрэчных пытанняў на разгляд сходаў, канферэнцый і з’ездаў, магчымасцю выкласці свае погляды ў партыйным друку, прадастаўленнем права не менш як 1/3 дэлегатаў З’езду БСДП, канферэнцый, удзельнікаў сходаў і пасяджэнняў выстаўляць свайго судакладчыка па любым пытанні, якое абмяркоўваецца;

- права кожнага сябра партыі і кожнай партыйнай арганізацыі (суполкі) абскарджваць рашэнні любых органаў партыі і яе арганізацыйных структур перад вышэйстаячымі органамі, да З’езду БСДП уключна.

5.3. Норму прадстаўніцтва на З’ездзе, месца і час яго правядзення вызначае ЦК БСДП не пазней, чым за тры месяцы да вызначанай даты.

5.4. З’езд БСДП складаецца з:

а) дэлегатаў, выбраных на канферэнцыях абласных (Мінскай гарадской) арганізацый партыі;

б) сябраў ЦК і Цэнтральнай Рэвізійнай Камісіі БСДП, выбраных папярэднім З’ездам.

 У адпаведнасці з Законам РБ “Аб палітычных партыях” і ў адпаведнасці са Статутам БСДП ніякі аргкамітэт не можа мець паўнамоцтваў Прэзідыума і ЦК БСДП.

БСДП – афіцыйна зарэгістраваная партыя. У БСДП ёсць Статут, і мы абавязаны ім кіравацца.

Ускладаю надзею, што мы з Вашай дапамогай знойдзем паразуменне  і правядзем З’езд у адпаведнасці са Статутам БСДП.

Я запісалася да Вас на прыём на 06.04, а напярэдадні прыёму напісала дадзены зварот.
            І. Вештард

Источник: Белорусская социал-демократическая партия (Грамада)

  Обсудить новость на Форуме

Белоруссия

Белорусская социал-демократическая партия (Грамада) Объединенная Гражданская Партия Россия Украина Белоруссия Молдавия Казахстан Киргизия Узбекистан