00:30 06.04.2012 | Все новости раздела "Белорусская социал-демократическая партия (Грамада)"

СУСТРЭЧА Ў ВІЦЕБСКУ:”НАЦЫЯНАЛЬНЫ ПАНТЭОН ГЕРОЯЎ:ПАДМУРАК ГУМАНІТАРНАЙ БЯСПЕКІ КРАІНЫ” (фота)

У Віцебску прайшла чарговая сустрэча па тэме”Нацыянальны Пантэон герояў: падмурак гуманітарнай бяспекі краіны”, удзел у якой бралі сацыял-дэмакраты  з Оршы, Віцебску. Полацку, Наваполацку, Верхнядзвінску, якія, дарэчы, былі і ініцыятарамі гэтай сустрэчы. Акрамя таго, удзельнікамі размовы  аб ролі выбітных асобаў Беларусі ў вызваленні ад савецкіх міфаў і стэрэатыпаў, аб канструяванні новай ідэнтычнасці, аб тым, хто з гістарычных постацяў краіны забыты, а хто незаслужана ухвалены, сталі сябры недзяржаўных грамадскіх арганізацый вобласці. За круглым сталом, з удзелам гісторыкаў П. Краўчанкі і У. Ляхоўскага,  ішла жывая і зацікаўленая дыскусія  аб праекце, які распачалі  гісторыкі Беларусі, а публічную дыскусію  адкрыў  на старонках “Народнай волі” прафесар З Шыбека.

Каментар кіраўнікаВіцебскай абласной  арганізацыі БСДП Валянціны Болбат:

---Гэтай тэматыцы сацыял-дэмакраты Віцебшчыны прысвяцілі ўжо не адну сустрэчу: на працягу апошніх двух год мы актыўна працуем над ёй. Такія сустрэчы, з удзелам вядомых навукоўцаў С.Тарасава, Н.Стужынскай, П.Краўчанкі, У.Ляхоўскага, А.Кіштымава , неаднаразова ладзіліся ў Полацку, Верхнядзвінску, Оршы, Віцебску… У гэты раз мы не абыйшлі ўвагай гісторыю старэйшай на Беларусі палітычнай партыі—сацыял-дэмакратычнай і яе ўтваральнікаў, бо Беларуская сацыял-дэмакратычная Грамада стала калыскай партый і рухаў нашай краіны. Лічым, што гэты праект павінен стаць грамадскай кампаніяй.

      Бо як зазначыла Н.Стужынская “Гісторыя, акрамя таго, што яе вымуць гісторыкі з архіваў, патрабуе ўвагі пісьменнікаў, драматургаў, іншых творчых людзей, каб не застацца ў забыцці на старонках акадэмічных выданняў. На жаль, мы мала ведаем сваіх герояў, хто па праву заслугоўвае нашай любові і ўдзячнай памяці”.

У рамках гэтага праекту можна весці гаворку пра рэгіянальную дзейнасць грамадскіх арганізацый і партыйных структур  у справе развіцця і  папулярызацыі Нацыянальнага Пантэону.

Panteon 700 

Источник: Белорусская социал-демократическая партия (Грамада)

  Обсудить новость на Форуме