23:47 26.10.2009 | Все новости раздела "Белорусская социал-демократическая партия (Грамада)"

СЕМІНАР МАЛАДЫХ САЦЫЯЛ-ДЭМАКРАТАЎ

24–25 кастрычніка адбыўся семінар моладзі Беларускай сацыял-дэмакратычнай партыі (Грамады). У працы семінару ўдзельнічалі сябры партыі і блізкія да партыі маладыя  актывісты з Магілёўскай вобласці – усяго больш як дваццаць чалавек.

Удзельнікам семінару былі прачытаныя лекцыі пра асноўныя каштоўнасці сацыял-дэмакратыі, аб дзейнасці Аб’яднаных дэмакартычных сілаў, псіхалагічных і юрыдычных матывах праваабароны.

Адбыліся практычныя заняткі па такіх тэмах, як матывацыя палітычнай дзейнасці, кампанія дзеля вырашэння пэўнага пытання. У групах праводзіўся аналіз  моцных і слабых бакоў БСДП, яе магчымасцяў, а таксама пагрозаў для партыі, ацэньваліся рэсурсы грамадскай дзейнасці.
У працы семінару ўзялі ўдзел намеснік старшыні БСДП Анатоль Сідарэвіч і сябар Прэзідыума БСДП, старшыня партыйнай камісіі па асноўных каштоўнасцях Ігар Барысаў.

Источник: Белорусская социал-демократическая партия (Грамада)

  Обсудить новость на Форуме