11:15 03.08.2013 | Все новости раздела "Белорусская социал-демократическая партия (Грамада)"
Рэчыца: пікет салідарнасці з Алесем Бяляцкім не дазволілі
Пікет салідарнасці, замоўлены на 4 жніўня з 16-00 да 18-00 каля Гарадскога Дома культуры ў Рэчыцы не адбудзецца.
Адпаведны адказ за подпісам першага намесніка старшыні райвыканкама В.Г. Атаманчука атрымалі заяўнікі на правядзенне пікета салідарнасці з палітвязнямі - В. Пуціцкі і А. Шабетнік.
У лісце гаворыцца, што ў горадзе існуе вызначанае для масавых мерапрыемстваў месца, якім з'яўляецца асфальтаваная пляцоўка ў парку культуры і адпачынку "Перамога", дзе амаль не ходзіць народ і заўсёды бязлюдна. Па другое, заяўку на пікет, сцвярджаецца у лісце райвыканкама, падалі позна.
Як паведамляе сайт , заяўка падавалася ў райвыканкам на беларускай мове, а вось адказ заяўнікі атрымалі на рускай, напэўна работнікі райвыканкама не ведаюць, што на якой мове падавалася заява, на той і адказ даваць прынята. А магчыма проста не ведаюць беларускай мовы, якая з'яўляецца ў нашай краіне дзяржаўнай?
Обсудить новость на Форуме