17:45 07.07.2011 | Все новости раздела "Белорусская социал-демократическая партия (Грамада)"

РАДА САЦЫЯЛІСТЫЧНАГА ІНТЭРНАЦЫЯНАЛУ 1- 2 ЛІПЕНЯ Ў АФІНАХ (ФОТА)

1 - 2 ліпеня ў Афінах адбылася чарговая Рада  Сацыялістычнага Інтэрнацыяналу,  якая ў  гэты раз была  прысвечана пытанням Бліжняга  Усходу, пострэвалюцыйнаму стану Егіпта і Туніса, а таксама наступствам аварыі на АЭС “Фукусіма-1” і шэрагу “гарачых” рэгіянальных праблем з дэмакратыяй і правамі чалавека.

Ад Беларускай сацыял-дэмакратычнай партыі (Грамады) у пасяджэнні Рады СІ брала ўдзел намеснік старшыні партыі Аляксандра-Вольга Тыгрыцкая. Яна выступіла з прамовай, у якой абазначыла асноўныя праблемныя моманты сённяшняй сітуацыі, і заклікала сацыял-дэмакратаў суседніх краінаў – Польшчы, Літвы, Латвіі, Украіны і Расіі да салідарнасці з дэмакратычнай Беларуссю праз дзеянне.

Вольга Тыгрыцкая паведаміла, што  “...па выніках працы Рады 1 і 2 ліпеня была прынята Заява па Беларусі, у якой  Сацыялістычны Інтэрнацыянал  заклікае Бларускія улады неадкладна вызваліць як Мікалая Статкевіча, старшыню арганізацыйнага камітэта па стварэнню Беларускай сацыял-дэмакратычнай партыі (Народная Грамада), так і ўсіх іншых кандыдатаў у Прэзідэнты,  лідараў і актывістаў палітычных партый  і грамадскіх  арганізацыяй,  журналістаў, якія зараз знаходзяцца ў зняволенні па палітычных матывах. Сацыялістычны Інтэрнацыянал выказаў сваё адмоўленнае стаўленне да парушэнняў рэжымам фундаментальных свабод і правоў чалавека ў Беларусі” .

Яна дадала, што сёняшняе эканамічна-сацыяльнае і палітычнае становішча ў Беларусі не проста прыцягвае да сябе ўвагу, а выклікае боль і заклопачанаць сацыял-дэмакратаў  усяго свету.

Tygryckaya SI vystup 440 

Источник: Белорусская социал-демократическая партия (Грамада)

  Обсудить новость на Форуме