23:46 09.01.2014 | Все новости раздела "Белорусская социал-демократическая партия (Грамада)"

Праблемы з рэгістрацыяй кандыдатаў у Берасці

Тэхнічныя праблемы з рэгістрацыяй кандыдатаў узнікаюць у Берасці. Пра гэта паведаміла старшыня Берасцейскай гарадской арганізацыі Беларускай Сацыял-дэмакратычнай партыі (Грамада) Ганна Канюс. Яна справабала зарэгістраваць сваю ініцыятыўную групу ў акруговай камісіі №8.

Патэнцыйны кандыдат у дэпутаты адзначыла, што камісія сваімі дзеяннямі з непавагаю аднеслася да выбарчага заканадаўства:

- На жаль, у камісіі не аказалася ніякіх дакументаў для таго, каб мяне зарэгістраваць. Больш за тое, у працэсе высветлілася, што журнал для рэгістрацыі ў іх з’явіцца 11 студзеня. Карыстаючыся Выбарчым Кодэксам, у якім няма дакладнасці, - з якога моманту можна несці дакументы на рэгістрацыю ініцыятыўнай групы, я дамаглася таго, каб рэгістрацыя адбылася ў той момант, калі гэта зручна мне, а не камісіі.

- Як аказалася, у камісіі не было не толькі журналу для рэгістрацыі кандыдатаў, але яны таксама карысталіся Выбарчым кодэксам без апошніх паправак, - дадала Ганна Канюс.

Палітык патлумачыла, што дакументы пра рэгістрацыю ініцыятыўнай групы былі прынятыя камісіяй пад завярэнне, што яны будуць унесеныя пазней ў рэгістрацыйныя журналы.


Источник: Белорусская социал-демократическая партия (Грамада)

  Обсудить новость на Форуме