16:45 24.07.2019 | Все новости раздела "Белорусская социал-демократическая партия (Грамада)"
Пра будучыню Беларусі. Наменклатурны расклад.
Атрымаў неяк у Фэйсбуку важны ў гістарычным аспекце ліст ад аднаго са сваіх сябраў, які займаецца даследаваннем падзеяў з найноўшай гісторыі Беларусі.Ніжэй -- тэкст ліста(выдзелены курсівам) і мой кароткі адказ на яго." Добры дзень, сп. Павел!
У Нацыянальным архіве Рэспублікі Беларусь у ф. 968 захоўваюцца дакументы, якія тычацца дзейнасці Вярхоўнага Савета Рэспублікі Беларусь. У прыватнасці, пратаколы паседжанняў тагачаснага парламента. Падчас працы ў архіве я азнаёміўся са стэнаграмамі паседжанняў камісіі па міжнародных справах Вярхоўнага Савета Рэспублікі Беларусь 13-га склікання.
Сярод пратаколаў увагі заслугоўваюць тыя, якія маюць дачыненне да разгляду пытання аб стварэнні Супольніцтва Беларусі і Расіі. Згодна з пратаколам 14 камісіі ад 25 красавіка 1996 г., Вы прапаноўвалі сваім калегам - членам камісіі - не разглядаць пытанне аб ратыфікацыі гэтага Дагавора.
Вы абгрунтоўвалі сваю пазіцыю тым, што Дагавор не адпавядае Канстытуцыі і Законам Рэспублікі Беларусь. Зараз паміж кіраўніцтвам Беларусі і Расіі ідзе перагляд Саюзнага дагавора 1999 г. Як заявіў Максім Арэшкін журналістам, бакі ўзгаднілі пытанні, датычныя інтэграцыі, на 90%.
У гэтай сувязі мне цікава было б даведацца, як Вы ацэньваеце шанцы палітыкі збліжэння паміж Беларуссю і Расіяй. Ці выяльецца гэта палітыка ў скасаванні беларускага суверэнітэту? Дзякую. Яўген Завадскі."Мой адказ быў такім:"Дзякую за вашую руплівую працу. Мяне і мае папярэджанні, на жаль, мала хто слухаў. Я пра гэта казаў, кажу і казаць буду, пішу пра гэта ў блогу на Партызане і г.д. Сачы за маім блогам. Ну а будучыня Беларусі сёння шмат у чым залежыць ад наменклатурнага раскладу ў асяроддзі чынавенства, якое намі кіруе, ад іх здольнасці мысьліць па-дзяржаўнаму. А гэтага бракуе. І ад гэтага трывожна."Да ўсяго сказанага дадам тры неабходныя грунтоўныя тэзы( ці фактары), пра якія я ўжо неаднаразова нагадваў. І ў чарговы раз нагадаю, бо менавіта ад іх, а таксама ад падзеяў вакол Украіны, залежыць і наш лёс.Ітак, тры тэзы(фактары), якія неабходна разумець, і якія вырашаць лёс Беларускай дзяржавы, беларускага суверэнітэту і беларускай нацыі.1) Развіццё той ці іншай дзяржавы, яе гісторыю заўжды рухаюць наперад, тармозяць або знішчаюць уласныя кіроўныя эліты. Лукашэнка і яго кіроўная эліта(атачэнне) затармазілі развіццё Беларусі як дзяржавы амаль на чвэрць стагоддзя. Лукашэнкаўскую кіроўную эліту сёння амаль напалову складаюць прадстаўнікі і прыхільнікі "рускага міру".Народ у гэтай справе -- другасны фактар. Чаму? Бо ім, народам(людскімі массамі), кіруюць эліты. І яго, народ, накіроўваюць менавіта эліты. І ён, народ, як правіла, ідзе ў тым накірунку, які яму прапаноўваюць эліты.2) Калі нацыянальную кіроўную эліту фармуе і доўгі час узначальвае антынацыянальны дыктатар-цемрашал і недавука -- гэта бяда для народа і дзяржавы. Бяда, якая можа стацца катастрофай. Аляксандр Лукашэнка ў Беларусі -- яскравы прыклад антыбеларускага антынацыянальнага дыктатара-цемрашала. За апошнія 25 год -- час свайго аднаасобнага кіравання Рэспублікай Беларусь, А.Лукашэнка знішчыў у Беларусі амаль усё беларускае, уключна з фактычнай забаронай мовы і нацыянальных сімвалаў беларусаў.Зараз склалася такая сітуацыя, што кожны дзень знаходжання А.Лукашэнкі на чале Беларускай дзяржавы набліжае Беларусь да катастрофы.3) Імперская Расія і Крэмль зробяць усё, каб без асаблівых украінскіх, "данбаскіх" эксцэсаў, г.зн. па Крымскаму сцэнару і без дадатковых санкцый далучыць Беларусь да Расіі. Пасля чаго пазбавіцца ад Лукашэнкі. На гэты конт ні ў кога не павінна быць аніякіх ілюзій.На гістарычным шляху да свайго непазбежнага і заканамернага распаду сённяшняя імперская Расія зробіць усё, каб заключыць у свае смяротныя абдымкі Беларусь.У сённяшняй сітуацыі ўсім прабеларускім сілам у атачэнні Аляксандра Лукашэнкі(а іх, згодна меркаванню Алега Трусава , недзе 50%), трэба дзейнічаць супольна з нацыянальна-дэмакратычнай апазіцыяй ці з тым, што ад яе засталося.Такім чынам, існуючы прабеларускі наменклатурны расклад у атачэнні Лукашэнкі сёння яшчэ не зусім на карысць "рускага міру". Супольнымі намаганнямі яшчэ магчыма захаваць Беларусь як дзяржаву і сфармаваць з беларусаў палітычную нацыю.
Обсудить новость на Форуме