16:00 26.12.2013 | Все новости раздела "Белорусская социал-демократическая партия (Грамада)"
Партыі вылучаюць сваіх сябраў у склад тэрытарыяльных камісіяў
Прадстаўнікі дэмакратычных сілаў у Берасці падаюць сябраў партый ў склад тэрытарыяльных камісій. Так берасцейскі гарадскі камітэт Беларускай Сацыял-Дэмакратычнай партыі (Грамада) вылучыў свайго прадстаўніка ў склад берасцейскай тэрытарыяльнай гарадской выбарчай камісіі па выбарах дэпутата берасцейскага гарадскога Савета.
Старшыня берасцейскай абласной арганізацыі БСДП (Грамада) Ігар Маслоўскі мае надзеі на ўключэнне сябра арганізацыі ў склад камісіі:
- Мы маем у цэлым як структура пэўны вопыт працы ў камісіях, нашы прадстаўнікі працавалі, ніколі да іх прэтэнзіі не было. Як паказвае практыка, абсалютную большасць нашых сяброў не ўключаюць у камісіі і фактычна без матывацыі. Мы скарысталіся сваім выбарчым правамі вылучылі свайго прадстаўніка і маем надзею, што ён будзе адстойваць прынцыпы справядлівых, адкрытых і галосных выбараў.
Правядзенне мясцовых выбараў у Беларусі запланавана на 23 сакавіка. Да гэтага тэрміну плануецца таксама фармаванне ўчастковых і акруговых камісій.
Беларускае Радыё Рацыя, Берасце
Обсудить новость на Форуме