08:30 03.03.2018 | Все новости раздела "Белорусская социал-демократическая партия (Грамада)"

Памёр Георгій Васільевіч Штыхаў











Памёр гісторык Георгій Штыхаў

Доктар гістарычных навук, прафесар Георгій Штыхаў памёр у 90 гадоў.

Ён нарадзіўся ў 1927 у Навабеліцы каля Гомеля. Пачаў свой шлях гісторыка з настаўніцтва ў Гарадзенскай і Гомельскай абласцях. Пасля прабіўся ў навуку. Капаў і даследаваў Полацк, Віцебск, Менск, іншыя гарады колішняга Полацкага княства. Даследаваў 300 курганоў.

Працаваў у Акадэміі навук Беларусі. Падрыхтаваў 2 дактары і 19 кандыдатаў навук. Выдаў паўтара дзясятка кніг.

Узначальваў Беларускую асацыяцыю ахвяр палітычных рэпрэсій. Актыўна ўдзельнічаў у змаганні за незалежнасць і дэмакратыю ў складзе Беларускай сацыял-дэмакратычнай партыі Народная грамада.

Гэта быў нястомны працаўнік і сумленны чалавек.
* * *

Подпіс Георгія Васільевіча ШТЫХАВА быў першым у спісе грамадзян, якія выступалі за стварэнне Беларускай сацыял-дэмакратычнай Грамады, цяпер гэта Беларуская сацыял-дэмакратычная партыя (Грамада). Вечная памяць аднаму з засновальнікаў партыі! /bsdpps/

Источник: Белорусская социал-демократическая партия (Грамада)

  Обсудить новость на Форуме