18:20 03.06.2013 | Все новости раздела "Белорусская социал-демократическая партия (Грамада)"

Памяці касінераў Каліноўскага (фота)

Палеглыя касінеры Кастуся Каліноўскага пад Мілавідамі Баранавіцкага раёна ў 1863 годзе чарговы раз ушанаваныя дэмакратычнай грамадскасцю Беларусі. Больш за паўтары сотні грамадзян сабраліся ля помнікаў паўстанцаў, дзе ўскладалі кветкі і выступалі з прамовамі. На фэсце ў гонар загінулых выступалі гісторыкі, грамадска-палітычныя дзеячы, спявалі барды Бартосік і Шалкевіч, рыцары з баранавіцкага клуба зладзілі бітву, а таксама ўсе прысутныя маглі пачаставацца "паўстанцкай" кашай. Свята ўдалося, лічыць адзін з арганізатараў, старшыня баранавіцкай суполкі Таварыства беларускай мовы Віктар Сырыца:

– Нягледзячы на дзве забароны, на дождж, які неаднаразова ішоў, мы правялі гэты цудоўны фэст. Шчаслівыя, вясёлыя, натхнёныя будзем і далей працаваць па прапагандзе нашай праўдзівай гісторыі, роднага слова, гісторыі сваёй Бацькаўшчыны.

Баранавіцкія ўлады адмовілі арганізатарам ад дэмакратычнай грамадскасці ў мерапрыемстве. З прычыны арганізацыі ўладай святкавання. На самай справе ўлада не арганізавала свята і нават не з’явілася на месцы гістарычнай памяці.
Ганна Васілевіч, Беларускае Радыё Рацыя. Фота аўтара.
Болей фота глядзець тут:
Milavidy 2013_695 

Источник: Белорусская социал-демократическая партия (Грамада)

  Обсудить новость на Форуме