23:30 28.02.2011 | Все новости раздела "Белорусская социал-демократическая партия (Грамада)"

ПЕРШАЯ ЛЭДЗІ ПОЛЬШЧЫ ПАТЭЛЕФАНАВАЛА ЖОНКАМ ЭКС-КАНДЫДАТАЎ

Ганна Камароўская выказала словы падтрымкі Вользе Някляевай і Мілане Міхалевіч і перадала прывітанне іх мужам.

Першая лэдзі Польшчы патэлефанавала жонкам экс-кандыдатаў у прэзідэнты Беларусі. Размова цягнулася каля 5 хвілінаў праз беларускамоўнага перакладчыка. Спадарыня Камароўская выказала словы падтрымкі і пацікавілася, што Польшча можа яшчэ зрабіць. Як распавяла Еўрарадыё Мілана Міхалевіч, яна папрасіла ў Ганны Камароўскай не спыняць намаганні, каб вызваліць усіх палітвязняў.

Мілана Міхалевіч:"Яна прасіла пераказаць мужу яе вялізныя шанаванні. Спыталася, што яны могуць яшчэ зрабіць для нас, і як дапамагчы. Сказала, што разумее ў якой мы апынуліся сітуацыі, бо сама была ў такой сітуацыі некалькі дзясяткаў гадоў таму. Сказала, што не варта траціць надзеі".

Размаўляла жонка польскага прэзідэнта і з Вольгай Някляевай. Таксама выказала словы падтрымкі і ўзгадала пра канцэрт салідарнасці ў Варшаве, дзе гучалі вершы Някляева.

Вольга Някляева:"Выказвала словы падтрымкі. Гаварыла, што разумее і ведае сітуацыю, якая тут склалася. Казала пра канцэрт, які быў арганізаваны польскім радыё ў Польшчы. Там таксама гучалі песні на вершы Уладзіміра Пракопавіча".

Напрыканцы размовы, жанчыны выказалі спадзяванне, што калі-небудзь атрымаецца зладзіць канцэрт з нагоды вызвалення ўсіх палітвязняў і зняцця з іх абвінавачванняў.
Віталь Ругайн

Источник: Белорусская социал-демократическая партия (Грамада)

  Обсудить новость на Форуме