10:15 02.10.2009 | Все новости раздела "Белорусская социал-демократическая партия (Грамада)"

ПАМЁР АЛЬГЕРД НЕВЯРОЎСКІ

1 кастрычніка ў Беластоку памёр наш калега, журналіст “Радыё Рацыя”, сябра БАЖу Альгерд Невяроўскі.

19 жніўня Альгерду споўнілася 40 гадоў. У пятніцу 25 верасьня ён быў з інфарктам завезены ў шпіталь у Беластоку і ад таго часу знаходзіўся ў коме. Сёньня была зафіксаваная сьмерць ад спыненьня сардэчнай дзейнасьці.

Альгерд Невяроўскі больш за дзесяць гадоў быў карэспандэнтам Радыё Свабода, асьвятляў актуальныя падзеі ў Беларусі, аўтар шматлікіх рэпартажаў з вахты абароны Курапатаў і падзеяў сакавіка 2006-га на Кастрычніцкай плошчы ў Менску.

Радыё Свабода

    *  *  *

Прэс-служба Беларускай сацыял-дэмакратычнай партыі (Грамады) глыбока смуткуе ў сувязі са смерцю даўняга сябра Альгерда Невяроўскага і выказвае словы шчырага спачуваньня родным і блізкім нябожчыка.

Источник: Белорусская социал-демократическая партия (Грамада)

  Обсудить новость на Форуме