03:15 14.04.2011 | Все новости раздела "Белорусская социал-демократическая партия (Грамада)"

ПАМЯЦІ ТАВАРЫША

З глыбокім смуткам паведамляем, што сёння на 55-м годзе жыцця пасля працяглай хваробы памёр падпалкоўнік запасу кандыдат тэхнічных навук Мікалай Бірукоў.

Старшы выкладчык Мінскага вышэйшага інжынернага зенітна-ракетнага вучылішча Мікалай Мікалаевіч БІРУКОЎ быў у ліку тых афіцэраў, якія ў 1980-х гадах далучыліся да руху за дзяржаўную незалежнасць Беларусі. Ён быў адным з заснавальнікаў і актыўных сябраў Беларускага згуртавання вайскоўцаў – грамадскай арганізацыі, якая выступала за стварэнне самастойнага беларускага войска.

8 верасня 1992 г. – у Дзень вайсковай славы –  Мікалай Бірукоў быў у ліку вайскоўцаў, якія першыя прысягнулі на вернасць Беларусі.

З пачатку 1990-х гадоў Мікалай Бірукоў далучыўся да беларускага сацыял-дэмакратычнага руху, стаў сябрам Беларускай сацыял-дэмакратычнай Грамады. Быў міжнародным сакратаром Беларускай сацыял-дэмакратычнай партыі (Народнай Грамады).

За сваю патрыятычную дзейнасць Мікалай Бірукоў зведаў рэпрэсіі з боку генералітэту, вымушаны быў пакінуць вайсковую службу.

Выказваем глыбокае спачуванне родным і блізкім Мікалая Мікалаевіча, усім яго сябрам.

У нашай памяці Мікалай Бірукоў назаўсёды застанецца як надзейны і шчыры таварыш, які канца свайго жыцця захаваў вернасць Бацькаўшчыне і ідэалам дэмакратыі.

УладзімірБарадач, ЛеанідДзейка,
АнатольГурыновіч, ВалерКостка,
ВітальМалашка, АнатольСідарэвіч,
АлесьСтанкевіч, МікалайСтаткевіч,
СтаніслаўСуднік, АлегТрусаў,
СяргейЧыслаў
на здымку: Прысяга БЗВ 8 верасня 1992г.  Трэці  злева Мікалай Бірукоў

 

Источник: Белорусская социал-демократическая партия (Грамада)

  Обсудить новость на Форуме

Белоруссия

Белорусская социал-демократическая партия (Грамада) Объединенная Гражданская Партия Россия Украина Белоруссия Молдавия Казахстан Киргизия Узбекистан