15:00 24.10.2011 | Все новости раздела "Белорусская социал-демократическая партия (Грамада)"

ПАМЯЦІ МІКАЛАЯ СЦЕПАСЮКА

Беларуская сацыял-дэмакратычная партыя (Грамада) з глыбокім смуткам паведамляе, што 22 кастрычніка на 71-м годзе жыцця памёр ветэран сацыял-дэмакратычнага руху ў Беларусі Мікалай Сцепасюк.

Мікалай Мікітавіч прыйшоў у дэмакратычны рух у гады перабудовы. У сакавіку 1991 года ён быў удзельнікам Устаноўчага з’езду Беларускай сацыял-дэмакратычнай Грамады.

Мікалай Мікітавіч актыўна працаваў у Лідскай гарадской і Гродзенскай абласной партыйных арганізацыях, неаднаразова быў дэлегатам на партыйныя з’езды, браў удзел ў культурным жыцці свайго краю, у працы Таварыства беларускай мовы імя Францішка Скарыны.

Беларуская сацыял-дэмакратычныя партыя выказвае глыбокае спачуванне родным і блізкім Мікалая Сцепасюка, яго сябрам і таварышам. Асаблівыя нашы спачуванні жонцы Мікалая Мікітавіча Галіне Іванаўне і дочкам Надзеі Мікалаеўне і Святлане Мікалаеўне.    

Светлая памяць пра Мікалая Мікітавіча, шчырага працаўніка, сціплага чалавека, прынцыповага прыхільніка дэмакратычных каштоўнасцяў і надзейнага таварыша, заўсёды захаваецца ў нашых сэрцах, у сэрцах усіх, хто яго ведаў.

*  *  *

Гродзенская абласная і Лідская гарадская арганізацыі Беларускай сацыял-дэмакратычнай партыі (Грамады) смуткуюць з прычыны смерці аднаго са старэйшых удзельнікаў сацыял-дэмакратычнага руху ў Беларусі, дэлегата Устаноўчага з’езду партыі Мікалая Мікітавіча Сцепасюка і выказваюць шчырыя спачуванні яго родным і блізкім.

Развітанне з Мікалаем Мікітавічам Сцепасюком пачнецца а 10-й гадзіне 25 кастрычніка ў рытуальнай зале па вул. Сямашкі, 9 (9-я мінская гарадская бальніца).

Источник: Белорусская социал-демократическая партия (Грамада)

  Обсудить новость на Форуме