02:00 13.03.2011 | Все новости раздела "Белорусская социал-демократическая партия (Грамада)"

ПАДАДЗЕНЫ ЗАЯЎКІ НА ПРАВЯДЗЕННЕ ПІКЕТАЎ

Як паведамляе рэвізор Віцебскай абласной арганізацыі Беларускай сацыял-дэмакратычнай партыі (Грамады) Антон Ясіновіч, жыхары горада Наваполацка – сябры БСДП (Грамада) падтрымалі зварот сяброў аргкамітэта Народнай Грамады аб правядзені акцый пратэсту і салідарнасці з палітвязнямі – удзельнікамі акцыі мірнага пратэсту 19 снежня 2010 года ў Мінску.

11 сакавіка наваполацкія сябры БСДП падалі заяву на правядзенне пікетаў 26-27 сакавіка 2011г. на пляцоўцы перад гарадскім Домам культуры з 12-00 да 15-00 гадзін. Мэта пікетаў: выражэнне пратэсту супраць сацыяльна-эканамічнай палітыкі уладаў, збор подпісаў пад патрабаваннем вызваліць удзельнікаў мірнай дэманстрацыі пратэсту 19 снежня 2010 г. у горадзе Мінску.

З інфармацыі намесніка старшыні аргкамітэта Народнай Грамады Аляксея Гаўруцікава стала вядома, што заяўкі на правядзенне пікетаў салідарнасці пададзеныя таксама ў Оршы і Полацку.

У сваю чаргу старшыня Брэсцкай абласной арганізацыі БСДП Ігар Маслоўскі паведамляе, што заяўкі на правядзенне пікетаў пададзены ў Брэсце, Баранавічах і Белаазёрску.

Сацыял-дэмакраты Віцебскай і Брэсцкай абласцей заклікаюць сваіх аднадумцаў і ўсіх дэмакратаў яднацца для сумеснай барацьбы за абарону палітычных, грамадзянскіх і сацыяльна-эканамічных правоў і свабод грамадзян Беларусі, супраць падзення жыццёвага узроўню і беспрацоў'я, супраць зздекаў і катаваняў у турмах.

Прэс-служба БСДП.

Источник: Белорусская социал-демократическая партия (Грамада)

  Обсудить новость на Форуме