19:30 20.12.2014 | Все новости раздела "Белорусская социал-демократическая партия (Грамада)"

На абмеркаванне ЦК БСДП



праект

ЗАЯВА ЦК БСДП

Аб сацыяльна-эканамічнай сітуацыі ў краіне

Беларуская сацыял-дэмакратычная партыя (Грамада) выказвае крайнюю заклапочанасць у сувязі з пачаткам чарговага перыяду зніжэння ўзроўню жыцця насельніцтва.

Падобныя тэндэнцыі ў эканоміцы, якія прыводзілі да жабрацтва грамадзян нашай краіны, назіраліся ў 2008-2009 і 2011 гадах. Улада ў чарговы раз не зрабіла ніякіх высноваў з крызісаў нядаўніх гадоў.

Рашэнне Нацыянальнага банкам аб увядзенні 30-працэнтнага збору пры куплі валюты не вырашае сітуацыю ў цэлым, а наадварот, зацягвае працэс стагнацыі ў эканоміцы і сацыяльнай сферы. Найбольш уразлівым ў дадзеным рашэнні з'яўляецца просты грамадзянін Беларусі.

На наш погляд прадпрынятая мера толькі пагоршыць сітуацыю як у рэальным сектары эканомікі, так і ў сацыяльна-грамадскіх адносінах паміж грамадзянамі і дзяржавай.

Як паказвае практыка, падобныя меры прыводзяць да фарміравання ценявой эканомікі, а значыць да памяншэння падатковых выплат і, як следства, да скарачэння бюджэтных паступленняў. Акрамя таго, рашэнне Нацыянальнага банка правакуе як фізічных, так і юрыдычных асобаў на ажыццяўленне незаконных дзеянняў па валютных аперацыях. Мы, сацыял-дэмакраты, лічым, што гэтае рашэнне ўшчамляе законныя правы і інтарэсы грамадзян нашай краіны. Ніякія адміністрацыйныя і сілавыя меры ў дадзеным выпадку не прывядуць да паляпшэння сітуацыі на фінансавым рынку.

Для кантрольных органаў зноў крайнім апынецца просты грамадзянін нашай краіны, які ў сілу эканоміі сродкаў і нявысокага ўзроўню даходу будзе пакараны за дзеянні, якія яшчэ ўчора былі легальнымі. На наш погляд - гэта несправядліва і амаральна.

Беларуская сацыял-дэмакратычная партыя (Грамада) - партыя справядлівасці і раўнапраўя, партыя будучыні, партыя большасці грамадзян, якія хочуць пераменаў. Мы заклікаем Урад прыступіць да сістэмных рэформаў у палітычнай, эканамічнай і сацыяльнай сферах, накіраваных на абарону законных правоў і інтарэсаў грамадзян нашай краіны, забеспячэнне ўстойлівага развіцця, умацаванне дзяржаўнага суверэнітэту і незалежнасці.

Далучайцеся да Беларускай сацыял-дэмакратычнай партыі (Грамада)! За лепшую Беларусь!

Праект падрыхтаваны для абмеркавання
першым намеснікам старшыні БСДП Ігарам Маслоўскім

Источник: Белорусская социал-демократическая партия (Грамада)

  Обсудить новость на Форуме