13:50 20.08.2010 | Все новости раздела "Белорусская социал-демократическая партия (Грамада)"

НЯКЛЯЕЎ: КАМПАНІЯ "ГАВАРЫ ПРАЎДУ" СТВОРАНАЯ НЕ ДЗЕЛЯ НОБЕЛЕЎСКАЙ ПРЭМІІ

Сябра праўладнага Саюза пісьменнікаў Беларусі Валерый Грышкавец абвінаваціў паэта Ўладзіміра Някляева. На думку Грышкаўца, кампанію “Гавары праўду!” Някляеў стварыў, каб вылучыцца ў нобелеўскія лаўрэаты. І займаецца палітыкай не дзеля таго, каб гаварыць праўду, а каб атрымаць самую славутую ў свеце прэмію. 

 Сам Някляеў лічыць гэтыя закіды Грышкаўца звычайнай спробай дыскрэдытацыі яго грамадскай дзейнасці.

Някляеў:“Гэта зусім не дурная спроба дыскрэдытацыі. Маўляў, глядзіце: нічога гэты Някляеў новага ў гэтым свеце не прыдумаў, мае свае шкурныя інтарэсы, і ён да іх рухаецца нягледзячы ні на што. Нават прыдумаў такую агульнанацыянальную кампанію, падманвае ўсіх пісьменнікаў і ўвесь народ, кажучы, што ён за праўду, што хоча вывесці краіну ў нейкую новую прастору, а насамрэч хоча проста выбіцца ў "нобелі". Хто ён ёсць? Сабака ён пасля гэтага. Вось што, па сутнасці, за гэтым стаіць. Я нават не хачу сур’ёзна пра гэта казаць”.

Усе гэтыя допісы Някляеў назваў не больш чым фантазіямі і ўпэўніў, што ніякія правакацыі не прымусяць яго спыніць займацца палітычнай і грамадскай дзейнасцю.
Зміцер Лукашук

Источник: Белорусская социал-демократическая партия (Грамада)

  Обсудить новость на Форуме