00:00 25.03.2012 | Все новости раздела "Белорусская социал-демократическая партия (Грамада)"

НАПЯРЭДАДНІ ДНЯ ВОЛІ БАБРУЙСКАГА АКТЫВІСТА БСДП (ГРАМАДЫ) ПАПЯРЭДЗІЛІ АБ АДКАЗНАСЦІ

23 сакавіка ў 17-30 да актывіста БСДП (Грамады) Станіслава Кавалеўскага завітаў маёр міліцыі Раман Коўрык.

Мэтай візіту старшага ўчастковага было папярэджанне актывіста аб магчымай адміністратыўнай адказнасці з нагоды Дня Волі. Міліцыянт паведаміў сябру БСДП, што ў Бабруйску і Менску магчымы несанкцыяваныя мерапрыемствы, за ўдзел у якіх можна быць пакараным.

“Нажаль, участковы не здолеў адказаць ні на адно маё пытанне. Ён не бліснуў эрудыцыяй наконт таго, што гэта за дзень 25 сакавіка ў гісторыі беларускага народу і не адказаў на пытанне - ці з’яўляецца мітынг у Мінску санкцыянаваным уладамі”, - гаворыць Станіслаў Кавалеўскі.

Актывіст адзначае, што міліцыянты час ад часу праяўляюць цікавасць да ягонай асобы. Будучы магілёўскім студэнтам Станіслаў неаднаразова прымаў удзел у арганізацыі масавых мерапрыемстваў, акцый і меў спрачыненне да выдавецкай дзейнасці. Некалькі год назад быў пакараны трымя суткамі адміністрацыйнага арышту, нібыта за спраўленне патрэбы ў грамадскім месцы.
Прэс-служба сябраў БСДП (Грамады) г. Бабруйска

Источник: Белорусская социал-демократическая партия (Грамада)

  Обсудить новость на Форуме