09:00 17.04.2022 | Все новости раздела "Белорусская социал-демократическая партия (Грамада)"
Мастацкі музей выклаў відэаэкскурсію і 3D-тур па выставе да 100-годдзя музея Луцкевіча
У 2021 годзе адзначаўся юбілей 100-годдзя з дня заснавання Віленскага беларускага музея імя Івана Луцкевіча. Гэтая значная падзея ў культурным і музейным жыцці Беларусі стала нагодай для правядзення выставачнага праекта ў Нацыянальным мастацкім музеі Рэспублікі Беларусь у кастрычніку — снежні 2021 года. Выставу можна наведаць і сёння, бо музей зрабіў яе даступнай анлайн у сучасных фарматах.
Экспазіцыя выставы аб’яднала музейныя прадметы і дакументы, што паходзяць са збораў Віленскага музея імя Івана Луцкевіча і пасля яго лівідацыі захоўваюцца ў калекцыях беларускіх музеяў і архівах.
З выставай можна знаёміцца ў фармаце відэаэкскурсіі. Яе вядзе куратар выставачнага праекта Дзмітрый Моніч.
Таксама даступны і . Тут можна хадзіць па выставе самастойна, уважліва разглядаючы кожны з выстаўленых прадметаў з калекцыі і чытаючы інфармацыю пра яго.
3D-тур па экспазіцыі і відэаэкскурсію музей падрыхтаваў разам з клубам інтэлектуальнага вольнага часу «Факультатыў».
Нагадаем, што Іван Луцкевіч з'яўляецца адным з заснавальнікаў Беларускай Сацыялістычнай Грамады. Яго постаць звязана з нацыянальным адраджэннем пачатку мінулага стагоддзя.
Обсудить новость на Форуме