19:15 02.12.2013 | Все новости раздела "Белорусская социал-демократическая партия (Грамада)"

МЫ САЛІДАРНЫЯ З ЛЮДЗЬМІ УКРАІНЫ (ЗАЯВА Прэзідыума Беларускай сацыял-дэмакратычнай партыі (Грамады))

ЗАЯВА

Прэзідыума Беларускай сацыял-дэмакратычнай партыі (Грамады)

Беларуская сацыял-дэмакратычная партыя (Грамада) выказвае салідарнасць з грамадзянамі Украіны і лідарамі дэмакратычнай апазіцыі Віталем Клічко (фракцыя “Удар”), Арсенем Ясенюком (фракцыя “Батьківщина”) і Алегам Цягнібокам (фракцыя “Свабода” ) у іх імкненні да еўраінтэграцыі.

Мы перакананы, што жаданне беларусаў і ўкраінцаў быць часткай еўрапейскай прасторы абумоўлена іх гістарычным мінулым, і вяртацца ў Еўропу яны павінны пры ўзаемнай падтрымцы.

Мы лічым, што да масавай незадаволенасці народа і выхаду соцен тысяч людзей на Майдан у Кіеве і шматлікія майданы ў іншых гарадах Украіны прывяла непаслядоўная палітыка прэзідэнта Віктара Януковіча. Своечасова падпісаўшы пагадненне аб асацыяцыі Украіны і Еўрасаюза, можна было пазбегнуць масавых пратэстаў і сутычак сілаў правапарадку з мірнымі грамадзянамі, якія выйшлі выказаць сваю нязгоду з палітыкай ураду. Падпісанне дагавору аб асацыяцыі з Еўрасаюзам прывяло б таксама да правядзення шматлікіх рэформаў і пераўтварэння Украіны ў дзяржаву дабрабыту.

Мы асуджаем жорсткі разгон актывістаў Майдану сіламі спецпадраздялення “Беркут” і бачым у гэтым спробу запалохаць грамадзян Украіны.

Выказваючы сілідарнасць з дэмакратычнымі сіламі Украіны, мы заклікаем іх не дапускаць узмацнення аўтарытарнага рэжыму Януковіча і рэагаваць на любы наступ на правы і свабоды грамадзян выключна мірнымі сродкамі, паказаўшы ўсёй Еўропе і ўсяму свету, што ўкраінцы – народ старажытнай культуры – па праву належаць да еўрапейскай цывілізацыі.

02.11.2013г.
Мінск

Прэс-служба БСДП

Кантакты:

Источник: Белорусская социал-демократическая партия (Грамада)