21:00 03.08.2011 | Все новости раздела "Белорусская социал-демократическая партия (Грамада)"

МЕЧЫСЛАЎ ГРЫБ: "СЛЕДЧЫ КАМІТЭТ - СТАНОЎЧАЕ НОВАЎВЯДЗЕННЕ, АЛЕ…"

Генерал-лейтэнант міліцыі ў адстаўцы Мечыслаў Грыб ухваляе стварэнне асобнага Следчага камітэта, не падначаленага МУС, КДБ ці пракуратуры.

У Беларусі з 1 студзеня 2012 года ствараецца Следчы камітэт, які будзе знаходзіцца ў падпарадкаванні прэзідэнту Беларусі. Пра гэта Еўрарадыё пагутарыла з вядомым экспертам Мечыславам  Грыбам.

Еўрарадыё: Лукашэнка загадаў стварыць Следчы камітэт, які будзе падпарадкоўвацца толькі яму аднаму. Ці ёсць падставы, на ваш погляд, каб ствараць гэтую структуру?

Грыб: “Я станоўча стаўлюся да гэтага рашэння. Я лічу, што гэта рашэнне носіць такі дэмакратычны характар, бо следства выводзіцца з падпарадкавання МУС, КДБ, Пракуратуры і г.д., яно становіцца самастойным і гэта добра. Адны павінны шукаць, знаходзіць, другія павінны весці следства, трэція – ўчыняць суд, чацвёртыя павінны кантраляваць адбыццё пакарання злачынцам, і ўсе гэтыя органы павінны быць самастойнымі, павінны быць незалежнымі. Гэта нармальная дэмакратычная норма. Але ў нашай краіне ўсё робіцца так, ды не зусім так. Следства калі і выдзеляць, што я лічу станоўчым, а яно зноў будзе падпарадкоўвацца аднаму чалавек. І гэтаму чалавеку падпарадкоўваецца МУС, і гэтаму чалавеку падпарадкоўваецца Пракуратура, гэтаму чалавеку падпарадкоўваецца КДБ і г.д. Ад аднаго адыходзім, а да другога не прыходзім”.

Еўрарадыё: На колькі гэты Следчы камітэт можа быць незалежным?

Грыб: “Ён, у гэтым выпадку, не можа быць незалежным у адпаведнасці з нашай беларускай рэчаіснасцю”.

Еўрарадыё: У гэты Следчы камітэт адкуль будуць набіраць людзей?

Грыб:“Там няма пытанняў  сур’ёзных, як падабраць людзей. Сёння ёсць следчыя ў пракуратуры, ёсць следчыя ў МУС, ёсць следчыя ў КДБ, працуе Акадэмія МУС. У нас у Беларусі гэтых пытанняў няма”.

 

Источник: Белорусская социал-демократическая партия (Грамада)

  Обсудить новость на Форуме