00:30 27.04.2012 | Все новости раздела "Белорусская социал-демократическая партия (Грамада)"

Мітынг на 1 мая забаронены

Яго меркавалася зладзіць у парку Дружбы народаў.

Мінгарвыканкам адмовіў прадстаўнікам апазіцыі ў правядзенні мітынгу 1 мая. Пра гэта паведаміў адзін з заяўнікаў акцыі намеснік старшыні Беларускай партыі левых «Справядлівы свет» Валерый Ухналёў.

Паводле яго слоў, адмова ў правядзенні мітынгу ў парку Дружбы народаў сталічныя ўлады абгрунтавалі тым, што ў гэтым месцы «запланавана правядзенне іншага мерапрыемства».

«Што гэта за мерапрыемства, мне не паведамілі. Сёння мы з астатнімі заяўнікамі акцыі збярэмся, каб абмеркаваць, як рэагаваць на адмову ў правядзенні мітынгу», — сказаў Ухналёў.

Як раней паведамлялася, акрамя Ухналёва пад заяўкай на правядзенне мітынгу таксама падпісваліся старшыня аргкамітэта па стварэнні Беларускай партыі працоўных Аляксандр Бухвостаў і прадстаўнік Беларускай сацыял-дэмакратычнай партыі (Грамада) Валерый Фралоў.

Яны прасілі дазвол на правядзенне мітынгу ў парку Дружбы народаў, які павінен быў прайсці пад лозунгамі «Спыніць падзенне ўзроўню жыцця!», «Свабоду палітвязням!», «Справядлівыя выбары — справядлівая ўлада».

Источник: Белорусская социал-демократическая партия (Грамада)

  Обсудить новость на Форуме