16:15 10.03.2011 | Все новости раздела "Белорусская социал-демократическая партия (Грамада)"
МІХАСЮ ТКАЧОВУ СЁННЯ СПОЎНІЛАСЯ Б 69
Сёння споўнілася б 69 гадоў слыннаму гісторыку, асветніку Беларусі Міхасю Ткачову. Частку свайго творчага жыцця ён прысвяціў Гродна, калі працаваў у тамтэйшым гістфаку Купалаўскага ўніверсітэту .
Дзякуючы яму, яго нефармальнаму стаўленню да выхавання моладзі, значная колькасць тагачасных студэнтаў павярнулася да беларускасці, лічыць доктар гістарычных навук Алесь Смалянчук:
- Вечаровыя шпацыры, размовы, аказалі на мяне велізарны ўплыў. Уся беларускасць у тыя часы, такая культурная беларускасць у БССР і ў Гродне была абсалютна задушана і наймацней яна была задушана на гістарычным факультэце. Бо гістфакі, у тым ліку і гродзенскі ў першую чаргу, рыхтавалі камсамольскіх, партыйных работнікаў. І таму вось гэтыя размовы з Ткачовым былі свежым паветрам, магчымасцю падумаць пра нешта іншае, а не толькі пра тое, што казалі на лекцыях многія выкладчыкі.
Заслугі Міхася Ткачова перад беларускай навукай ды грамадствам - вялікія. Ён арганізатар гродзенскага клубу “Паходня”, стаўшы на чале выдавецтва “Беларуская Энцыклапедыя”, ён спрычыніўся да выдання шматтомнай гісторыі Беларусі, змест якой адпавядаў нацыянальным інтарэсам.
Парфёненка Віктар, Гродна,
Обсудить новость на Форуме