16:45 18.05.2016 | Все новости раздела "Белорусская социал-демократическая партия (Грамада)"
Леаніду Дубаносаву „з пашанаю” ўручылі позву на зборы
Грамадскага актывіста з Мікашэвічаў, намесніка старшыні БСДП Леаніда Дубаносава прызываюць на ваенныя зборы ў армію. Пры гэтым улады ад радасці праявілі да актывіста незвычайную ўвагу пры ўручэнні позвы, кажа Леанід Дубаносаў:
– Прынеслі позву супрацоўнік гарвыканкама, начальнік міліцыі, тры міліцыянты. Усё здымалі на відэакамеру. Уручалі як самаму лепшаму жыхару Мікашэвічаў! Увогуле, позву даюць паштальёну, і той прыносіць адрасату. А мне ж уручылі з пашанаю, шкада, што музыкі не было і хлеба-солі.
На думку Леаніда Дубаносава, улады Лунінецкага раёна рыхтуюцца да выбараў. Такім чынам яны зачышчаюць выбарчае поле ад непажаданых кандыдатаў, якія карыстаюцца папулярнасцю ў насельніцтва. Дубаносаў збіраецца балатавацца ў якасці кандыдата ў дэпутаты ад дэмакратычных сіл на выбарах у Палату прадстаўнікоў.
Беларускае Радыё Рацыя, Мікашэвічы
Обсудить новость на Форуме