00:31 02.11.2011 | Все новости раздела "Белорусская социал-демократическая партия (Грамада)"

Лазарэнкаву не дазволілі пікетаваць "За годную працу"

Скаргу на дзеянні намесніка старшыні Брэсцкага гарвыканкама Вячаслава Хафізава падаў старшыня Брэсцкай абласной арганізацыі Свабоднага Прафсаюзу Беларускага Валянцін Лазарэнкаў.

7 кастрычніка Брэсцкая арганізацыя Свабоднага прафсаюзу звярнулася да мясцовых уладаў з просьбаю ў правядзенні штогадовай міжнароднай акцыі “За годную працу!”. Улады акцыю не дазволілі.

Валянцін Лазарэнкаў патлумачыў, чаму ўзнікла неабходнасці напісання такой скаргі:

- Згодна з заканадаўствам мы павінны атрымаць рашэнне, што можам праводзіць пікет, а потым ужо павінны аплочваць тое, што мы нібыта там насмецім, або будзем карыстацца медычнымі паслугамі. І вось узнікае пытанне: якім чынам ад нас патрабуюць, каб мы аплацілі гэтыя ўсе паслугі за 15 дзён да правядзення мерапрыемства, калі мы толькі падаем заяўку? Больш таго – ну пералічым грошы, а нам зноў не задаволяць наш запыт на пікет. Што тады рабіць?

У заяўцы на пікетаванне сябры прафсаюзу пазначалі, што ўсю адказнасць, звязаную з правядзеннем пікетавання, яны бяруць на сябе, як тое раней і практыкавалася.

Скарга была накіраваная ў Брэсцкі гарадскі выканаўчы камітэт.

Аліса Поль, Радыё Рацыя, Брэст  

Источник: Белорусская социал-демократическая партия (Грамада)

  Обсудить новость на Форуме