12:30 11.12.2013 | Все новости раздела "Белорусская социал-демократическая партия (Грамада)"

“Круглы стол” з нагоды 65-ых угодкаў Усеагульнай дэкларацыі правоў чалавека

На 65-ыя ўгодкі Усеагульнай дэкларацыі правоў чалавека ў Берасці на "круглым стале" былі абмеркаваны набалелыя праблемы, якія патрабуюць абавязковага вырашэння, каб Дэкларацыя ў Беларусі перастала быць толькі паперай, кажа лідар абласной арганізацыі Беларускай сацыял-дэмакратычнай партыі (Грамада) Ігар Маслоўскі:

- Сама падзея - прыняццё Усеагульнай дэкларацыі правоў чалавека - безумоўна гэта найважнейшая падзея ў сучаснай гісторыі. Але адны краіны пайшлі шляхам выкання гэтай дэкларацыі, для другіх краін яна проста існуе на паперы. На жаль, сярод такіх краін і Рэспубліка Беларусь.

Прысутныя на "круглым стале" лідар абласнога Свабоднага прафсаюза Беларускага Валянцін Лазарэнкаў і кіраўнік філіі Беларускай асацыяцыі журналістаў Алег Супрунюк выдзелілі галоўныя накірункі ў працы па абароне правоў працоўных і журналістаў.

Валянцін Лазарэнкаў: Мінімальны заробак павінен быць не менш як два мінімальныя спажывецкія бюджэты – 2 мільёны 800 тысяч рублёў. Зразумела і пенсіі таксама ў гэтых памерах.

Алег Супрунюк: Вельмі цяжка журналістам, якія не маюць сталай акрэдытацыі, рабіць сваю працу. Некаторыя выданні выкінутыя з распаўсюду – на іх нельга падпісацца праз дзяржаўную ўстанову “Белпошта”.

Удзельнікі "круглага стала" пагадзіліся з выступоўцамі. Закончылі паседжанне традыцыйным кубачкам гарбаты.