20:16 12.01.2010 | Все новости раздела "Белорусская социал-демократическая партия (Грамада)"

Камара пасадзілі на 9 гадоў

Былы генэральны дырэктар Рагачоўскага малочна-кансэрвавага камбінату Міхаіл Камар прысуджаны да 9 гадоў пазбаўленьня волі, паведамляе агенцтва "Інтэрфакс-Захад". Акрамя пазбаўленьня волі, Камару прысудзілі канфіскацыю маёмасьці й  пазбавілі права займаць кіруючыя пасады тэрмінам на 5 гадоў.

Міхаіла Камара затрымалі ў траўні 2008 года, у дачыненьні да яго была ўзбуджаная крымінальная справа "Крадзеж шляхам злоўжываньня службовымі паўнамоцтвамі, зьдзейсьнены групай асоб па папярэдняй змове ў асабліва буйным памеры" Крымінальнага кодэкса Беларусі. Ён падазраваўся ў тым, што, уступіўшы ў змову зь іншымі асобамі, на працягу 2006-2008 гадоў выкрадаў грашовыя сродкі Рагачоўскага малочна-кансэрвавага камбінату. У крымінальнай справе Камара фігуруе ТАА "Прадстаўніцтва Рагачоўскага МКК" у Маскве, кіраваў якім сын Міхаіла Камара. Было ўстаноўлена, што "за нібыта аказаныя прадстаўніцтву Рагачоўскага камбінату рэклямныя й транспартна-экспэдыцыйныя паслугі на рахункі спэцыяльна створаных фірмаў-пасярэднікаў было пералічана, а затым выкрадзена больш 8, 5 млрд. бел. рублёў.

Апрача гэтага, "больш за 300 млн. рублёў у выглядзе страт атрымаў Рагачоўскі МКК ў выніку супрацоўніцтва з расейскай гандлёвай фірмай "Интерпро ", сузаснавальнікам якой зьяўляўся згаданы ўжо сын Камара.

Суд прыняў рашэньне спагнаць з Міхаіла Камара больш 8, 8 млрд. рублёў. У кошт пагашэньня спагнаньня сканфіскаваныя дьзве кватэры ў Бараўлянах, а таксама кватэра ў Гомелі.

12.01.2010

Источник: Белорусская социал-демократическая партия (Грамада)

  Обсудить новость на Форуме