21:00 27.12.2009 | Все новости раздела "Белорусская социал-демократическая партия (Грамада)"

КАНФЕРЭНЦЫЯ ВІЦЕБСКАЙ АБЛАСНОЙ АРГАНІЗАЦЫІ БСДП

27 снежня адбылася справаздачна-выбарчая канферэнцыя Віцебскай абласной арганізацыі Беларускай сацыял-дэмакратычнай партыі (Грамады).

Старшынёй абласной арганізацыі БСДП выбраны Фёдар Муханаў (Аршанскі раён). Намеснікамі старшыні сталі Валянціна Болбат (Верхнядзвінскі раён), Віктар Міхасёў (Барань), Аляксандр Мішурны (Віцебск) і Альберт Маркаў (Полацк). Пры гэтым вызначана, што В. Болбат будзе першым намеснікам старшыні абласной арганізацыі.

У склад Віцебскага абласнога камітэта БСДП увайшлі таксама Вольга Шпакоўская (Віцебск) і Наталля Васіленка (Верхнядзвінскі раён).

Рэвізорам Віцебскай абласной арганізацыі БСДП выбраны Антон Ясіновіч (Наваполацк).

***

Фёдар Муханаў (1941) па адукацыі заатэхнік. Кандыдат сельскагаспадарчых навук. Працаваў старшым выкладчыкам Беларускай сельскагаспадарчай акадэміі. Цяпер на пенсіі. Вядзе асабістую падсобную гаспадарку ў Аршанскім раёне.

Ф. Муханаў узначальвае Аршанскую раённую арганізацыю БСДП, неаднараова ўваходзіў у склад Віцебскага абласнога камітэта партыі. Сябар Цэнтральнага Камітэта БСДП. Стаўшы старшынёй абласной арганізацыі, Ф. Муханаў становіцца адначасова і сябрам Прэзідыума БСДП. 

Источник: Белорусская социал-демократическая партия (Грамада)

  Обсудить новость на Форуме